1. اليووم الأول /


2. قالوا لنا بالطياره مده الاقلاع بالطائره ساعتين و35 دقيقه تماما !


3. هبطنا في مطار القاهره الدولي الساعه 4:55 دقيقه عصرا بتوقيت القاهره

السلام عليكم

اليووم الأول /

ها أنا قد وصلت الى القاهره لحظات غريبه وشعور غريب وشي جميل بنفس الوقت .. ( أول مره تطئ قدماي القاهره)
اسكجول الرحله من الدمام الى القاهره بدأ من الساعه ال 10 صباحا من يوم الجمعه رتبت أموري مع السواق على انه الساعه 11 يكون جاهز يوديني انا وصاحبي لمطار الملك فهد بالدمام ,, فعلا وتحقق مانريد أن نصبوا عليه طلعنا المطار الساعه 11 ظهرا ووصلنا 11ونص بالضبط
طلعنا من الرحلات الدوليه قصينا البوردنق من مصر للطيران لان رحلتي على مصر للطيران ( اللي راح اقول لكم انطباعي عنها بعد قليل )
اخذنا البوردنق وطلعنا للبةابه وهاهي الساعه تشير الى ال 12 ظهر يوم الجمعه 1 اوقست .. وصلنا البوابه 23 وانتظرنا الى الساعه 2 مع العلم ان الاقلاع 2 !!!!!!!!!
طبعا ماكان معنا الا عمله سعوديه وللأسف ماحصلت دولارت في الدمام أكثر من محل وصادف يوم الخميس فما امداني .. نرجع للطيران المصري
جلسنا امام بوابه الطياره الى الساعه 2 ! مع العلم ان اقلاع الطائره 2 ومكتوب بالبوردنق اعلان هام : على كل شخص الوصول قبل موعد الرحله ب 45 دقيقه لكي يتلافى المشاكل والا سنتظر لتأجيل رحلته اذا تأخر عن 15 دقيقه قبل الاقلاع ! حلو الامر ولكن !!:112:
انتظرنا من الساعه 12 الى الساعه 2 وماركبنا المفروض نركب 1وربع لكن ! ما ادري وش السبب صراحه
ركبنا ع الساعه 2 وطارت الطياره ع الساعه 25 و2 دقيقه تقريبا

قالوا لنا بالطياره مده الاقلاع بالطائره ساعتين و35 دقيقه تماما !

هبطنا في مطار القاهره الدولي الساعه 4:55 دقيقه عصرا بتوقيت القاهره

ركبنا الباص وطلعنا نختم جوازاتنا وكان فيه فوضى نوعا ما بس عدت الامور ! وصرفنا فلوس من البنك اللي في مطار القاهره تقريبا ال 1000ريال ب 1400 جنيه ! وصراحه يوم وصلت الفندق حسيت أنه فيه خطأ في الحساب من شخصي أو خطأ من الموظف اللي هناك ( نقص مبلغ)
اتصلنا ع السواق الخاص (ايهاب) سيارته دايو على كلامه 2008 وعلى خبرتي أنا 2003 وركبنا معاه وعلى شيراتون القاهره (مقر اقامتنا) وصلنا الفندق وسوينا الشيك ان ودفعنا بالفيزا وقلنا للسواق خلاص ساعتين زمان ونتصل عليك وقلنا له جب لنا شريحتين وبطاقتين شحن وخذ ملابسنا وديها مغسله تكويها أعطيناه الملابس وراح السواق وحنا طلعنا الغرفه وبدلنا وصلينا وخلصنا أمورنا وكان الغرفه جيده جدا وأنا ساكن في شيراتون القاهره المبنى الجديد غرفه مطله ع النيل ( الجوو ع النيل ليلاا وانت تشوفه من البلكونه روعه )
وصلت الساعه 8 تقريبا اتصلنا على ايهاب جاب الملابس و الشرائح وطلعنا لشارع جامعه الدول العربيه وصلنا هناك قلنا له نبغى كافي شوب كويس قال مقهى العمده ممتاز طلعنا ع العمده ( وللأسف ماكان قد الطموح اطلاقا ) الاكل متوسط بس ممكن لانه فيه شيشه وحنا مانشيش !! لفينا حوله ندور شي كويس ماحلصناش ,, جلسنا فيه طلبنا عصيرات وساندويتش خفيف وأكلنا وخلصنا واتصلنا على ايهاب ووصل لنا ع الساعه 10 تقريبا قلنا له على جراند حياه نبي ندخل فيلم ,, وصلنا جراند حياه وكان زحمه السوق التجاري بتاعه لدرجه خياليه اخذنا تكت لفلم ( اسف ع الازعاج ) ع الساعه 11 والان تشير الساعه الى ال 10 ونص قلنا باقي نص ساعه نتمشى فيها في الفندق والمجمع الى حين موعد الفلم وفعلا هذا ماتحقق وطلعنا تمشينا ع الفندق والمجمع والقهاوي والمطاعم وشي جميل جداا وجلسنا ع النيل في القهوه الي عند الباخره الي تبع الجراند حياه الى الساعه 11 وطلعنا للفيلم وكان خويي بعيد عني لان القاعه كانت فل الفل يوم قصينا التكت !!
تابعنا الفلم وخلص ع الساعه 1وربع تقريبا اتصلنا على ايهاب (السواق) وصل عندنا وركبنا معاه وقلنا له حنا متعبين للغايه نبي الفندق ولكن قبل الفندق نبغى سوبر ماركت ناخذ بعض الاغراض والله وفعلا طلعنا ع سوبر ماركت ( مترو ) كانت قريبه من الشيراتون واخذنا الاغراض وطلعنا ع الفندق وجلسنا على البلكونه ونتفرج على النيل والجو رايق صراحه ..
وهذا أول يوم في أم الدنيا وأعتقد ان السلبيات قليله وأيضاً الايجابيات ليست بالكثيره الكثيره لكن تونا في البدايه والحكم الان خاطئ !
اعذرووني على عدم التصوير لأن الكاميرا ما أدري وش جاها وصار فيه خلل فني ( ان حليته قريبا سأضع الصور ) واسف مره أخرى :112:
والى اللقاء في التقرير لليوم الثاني من رحلتي الى القاهره 2008
سعود