1. وكان الجواب بأن دمعت عيناه البارزتان هكذا

بسم الله الرحمن الرحيم
السلام عليكم ورحمة الله وبركاته جميعاً :36_1_39: وكل عام وانتم بخير وتقبل الله الصيام والقيام
تصدقون اني كذا الحين أقصد كذا والحقيقه اني كذا بمجرد ما اتذكر اندونيسيا
ما ودي أطول عليكم ولا اتفلسف زياده وادري انكم مستعجلين تبون تعرفون وش السالفه وش يبي هذا الصنديد اللي ما بعد شارك ولا مشاركه ومسوي فيها موضوع وعنوان غريب .... إلا على طاري غريب .... وش اخبار عبدالكريم عبدالقادر ... خبري به مريض حسب الأخبار :baaa2:
نسيت اقول لكم ان تقريري هذا عبارة عن قصة بدون صور وأدري انكم الحين مسوين كذا :112: وانتم اصلاً أول ما شفتوا العنوان مع الاسم حقي قلتوا وش يبي ذا خلنا نشوف وش عنده وجيتوا مطفين انور واحد ورا واحد كنكم :bounce8: فرقة ميامي
من 9 سنوات تقريباً توظفت بشركة .... يا حظي محد قدي :m9: يشبه عبسي اللي مع عدنان
المهم تعرفون أي واحد يتوظف جديد لازم يتعرف على ربعه اللي بالعمل ومهو هذا وهذا من وين وخبركم بهالسوالف ويكونون الموظفين مالهم سالفه إلا هالموظف الجديد ... وبغض النظر عن مستوى وظيفته...
وبعد مرور 3 شهور ... تريم تريم أكيد تتوقعون اني سافرت ... خطأ خطأ ... لكن السنارة غمزت من ذاك الوقت ... تدرون ليش أكيد لأ ... طيب بقولكم ليش... تعرفت على واحد كان توه جاي من جاكرتا ما له يومين بعد قضاء شهر كامل هناك ... ومن لقافتي المعهودة :36_1_11: اللي مزينتني قلت له وش تبي هناك والله ما عندك ذوق .... المشكله مالي يومين من يوم عرفته ... لكن لك حيله في اللقافة ... قام الرجال وعطاني مقفاه ولسان حاله يقول ... الحمدلله على نعمة العقل
عاد انا اخس شي عندي طاري الشغالات وخاصةً الاندونيسيات :112: من كثر ما نسمع من بلاويهن ولا قد خطر في بالي انك تجافيني .... يا ملحي ملحاه ...
أقصد ما خطر في بالي اني افكر مجرد تفكير في استقدام شغالة فضلاً عن السفر لجاكرتا او البونشاك أو بوقور أو شيبانس ... والله اني كسيان ديلو :sad1:
اليوم الثاني جاني الرجال اللي سفهني أمس في المكتب يسأل عن واحد ثاني فقلت له ممكن سؤال ... قال لا تقول ليش سافرت اندونيسيا :112: قلت له لا ماني قايل ... لكن ودي اسألك ليش عطيتني مقفاك أمس وسفهتني :36_1_5:

وكان الجواب بأن دمعت عيناه البارزتان هكذا

وقال ثكلتك ناقتك فأنا للتو وصلت من أجمل بلد خلقها الله ثم رمقني بنظرةٍ فيها حزن عميق وقال ... مالي وللنجم يرعاني وأرعاه .... ماهو بس انا حبيبي .... ثم أطلعني على سرٍ خطير حيث قال ... تصدق اني ما بعد عرفتك إلى الحين :36_6_2:
ومع الأيام تقابلنا كثيراً وأنا أحتقر هذا الشخص ليش انه يسافر لبلد الشغالات ... وقلت في نفس اندونيسيا وتخب عليه بعد :36_7_4: وتذكرت كتابة سواقين الدينات والتريلات :36_7_14: على كف القدر نمشي ولا ندري عن المكتوب .... وكان المكتوب انني اكتب لكم الآن تقريري بما فيه من مغامرات وتشويق مع شوية بهارات وهلس
وتصدقون انها أول مرة اعرف ان فيه سعوديين أو خليجيين يسافرون هالبلد من خويي هذا ... يعني العيب فيني انا مثل ماهو لا يزال في كثيرين مثلي متنحين ولا يعرفون إلا أوروبا أو ماليزيا أو أمريكا أو مصر .... إلخ
يا حبايبي أدري أنكم إلى الحين وانتم تقولون وش يبي ذا .... لكن والله من القهر اللي فيني ... وينكم من زمان عني ... ووين خويي هذا من زمان عني ... شكلي انا اللي تأخرت والا انتم وهو من زمان موجودين ... ما علينا خلوني اعلمكم كيف ومتى وليش بديت مع اندونيسيا.
في بداية عام 2008 وتحديداً في فبراير وصلني خبر ان عندي دورة خارج المملكة ويتوجب علي تحديد موعدها ومكانها :36_7_11: ... وكوني زرت أوروبا وأمريكا كثير ودول الخليج باستثناء الكويت اللي اتمنى زيارتها قريباً ... ولا خليت دحل في مصر إلا ورحته :36_1_33: ... قلت ما بدهاش ماليزيا يلعن ابو الفقر يا شيخ ... خلنا نشوف وش عندهم في ذاك... ويدأ التخطيط لترتيب دورة في نهاية شهر ابريل وبداية شهر مايو ... وبالفعل سويت كل شي وبقينا في الحجز ... طبعاً التذكرة بلوشي :36_1_19: وموتو بغيظكم ...
يا خوي ما تلاحظ انك في بوابة اندونيسيا وتكتب لنا انك بتسافر لماليزيا :36_1_15: شكلك مفهي على هالصبح ... طيب لا تدف ... اصبر شوي بتدخل اندونيسيا عرض في السالفة...
رحت لمكتب الحجز اللي تتعامل معاه الشركة ومعي الفوتشر وكل الاوراق اللازم لإصدار التذاكر ... ولقيت ولد سعودي حبوب مره :36_1_11: :36_3_15: حبيته من أول حجز ... قال ما فيه حجز على السعوديه يتناسب مع موعد دورتك ... :36_1_5: لكن ليش ما نحجز لك لجاكرتا ومنها على كوالا وترجع لجاكرتا ثم السعوديه ... قلت له لألألألألألألألأ :36_1_29: وشلت قشي واوراقي وطلعت من المكتب
واجي من الزعل وتزلق رجلي مع الدرج لكن اشوى ما طحت ... وصلت السيارة ابي افتح الباب ... أدور على المفتاح ... ما فيه أمل احصله ... شوي إلا خوينا اللي حبيته بالمكتب يزهمني يقول جوالك يدق ... رجعت للرجال وقال يا خوي تعال شوي خلني افهمك شلون بتكون الرحله ... قلت له لازم جاكرتا ... قال هذا أنسب حل لك ... قلت ممكن خمس دقايا اسوي شوية اتصالات :11one: قال خذ راحتك.
كلمت خوينا راعي اندونيسيا ... ونسيت أقول لكم انه في الاستراحة واحد من العيال كان مبهذلنا بقصصه البطولية في جاكرتا والجبل ... ولا كنت هاظمه لا هو ولا سوالفه واحسه يشلخ علينا من كثر مبالغاته ... مسيكين طلع ما يعرف يوصف عقب اللي شفته :icon_dwar
الرجال قال تبي نصيحتي قلت له سم ... قال خذ لك 10 أيام قبل الدورة في اندونيسيا ... بغيت اصك في وجهه .. لكن مسكت أعصابي عصبه عصبه ... ثم ارجع مره ثانيه لاندونيسيا عقب دورتك 5 أيام ... بغيت أصفقه لكن اشوى انه بعيد ... طبعاً رفضت وقلت ابد يوم ويوم قبل وبعد ... قال اسمعني ... جميع أمورك برتبها لك من المطار إلى المطار ولا تشيل هم سكن او سيارة او عزبه او شغاله أو أو أو أو ... قلت له خلاص يابن الحلال لكن اشوف المده واجده ... قال وإذا ما ناسبتك جميع التكاليف اتحملها أنا.... انا انبسطت
وما دريت عن نفسي إلا وانا مسوي اللي قال لي عليه خويي بالتفصيل ... ومن ذاك الوقت الين موعد السفر وانا مسنتر هنا في بوابتكم المبجلة :36_1_25: ودخت من كثر التقارير وانهبلت من كثر ما انهبلوا هل التقارير .. وبدأ موعد السفر يقترب .... ولا أزال :36_1_22: في بوابتكم التي استفدت منها كثيراً رغم ان الأمور كانت مترتبه هناك...
تصدقون اني الحين بتشقق وانا قاعد اكتب لكم يوم اتذكر هذيك اللحظات وتذكر الحلم الصغير ... أقول انطم وكمل سوالفك الفاضيه ...
طبعاً ما وضعت صور لسببين: الثاني اني ما احب اصور ... الأول اني ما عرف اصور .... تك تك تك
والسبب الرئيسي هو انه لا يوجد مكان من الأماكن اللي زرتها إلا وصورتها مرزوزة خشتها بهالبوابة الرائعة
وش رايكم اشوف ردودكم وتعليقاتكم على بداية الموضوع وهل طريقة الكتابه تناسبكم والا اضف وجهي واكتفي بما تم ذكره
مع العلم اني ابي احكي لكم وش صار لي في جده وكيف ان الرحلة بغت تفوتني .... ومن جلس جنبي في الطيارة... لا أحد يجي يقول شغالتكم فيصير له كذا :36_1_42:
بانتظاركم
محبكم الجديد القديم ayed44