utnool
29-04-2022 - 09:54 am
السلام عليكم
كيفكم انشا الله بخير
انا الحمد لله اليوم وصلت من لبنان وفي الحقيقه كانت رحله لا توصف من جمييع النواحي
انا سألت كم مره عن فندق (بيفيو)لأني كنت راح اسكن فيه وانا ما اعرف لكن لما رحت وسكن فيه عرفت انه فندق متاز جدا من ناحيه النظافه والموقع والخدمه ومساحه الغرف خاصتا على السعر (75دولار)
اول ما وصلنا كان حجزنا على (كونكتيدروم) ولما وصلنا قالو انو مو موجود هاذي غلطه منهم لكن عوظونا بدل الغرفتين سويتين (بنفس سعر الغرف)
وفي الحقيقه ممتازه جدا واطلالتها خياليه وارجع اقول خاصتا مع سعرها الخيالي(75دولار) بس ما اعرف عن سعر السويت في الحقيقه ولله كان ودي اجرب كثير من الأشياء الي نصحو فيها الأعضاء ولله ما قصرو بس تعرفو يعني الفتره قصيره وما مداني على كل شي بس راح انصح بمطعمين جدا جدا جدا حلوه(السلطان ابراهيم
لا بس حبيت اقول لك هاذي مو اول مره اروح بيروت هاذي ثالث مرره وعلى فكره انا عمري 15 سنه مو كبير عشان كذا اخذ راحتي في السوليدير وال(abc) طلعت من بيروت رحت لفاريا مرتيين هاذي كانت طلعتي من بيروت بسس
بس في الحقيقه فاريا شي لا يوصف قبل ما اروح بيروت كنت اقول ما راح اطلع لفاريا الا مره وحده بس لما شفتها اصريت اني اطلع ثانيه وكنت ابغا ثالثه بس الوقت ما سمح للأسف
زي ما انتم عارفين هاذي العطله كانت زحمه بشكل مو طبيعي بس طبعا مو زي الصيف
انا رحلتي مع اخوي وثنين معانا ومعانا سياره
كنا نطلع من الفندق يوميا في حدود الساعه 3 تقريبا ونمشى شوي نروح قهوه او شي وبعدين نروح لأحد الأسواق وبعدين على الساعه 10 نطلع للسوليدير تقريبا هالشي شبه يومي بس مو كل يوم طبعا
بس ملاحظاتي هيي الغلطات في الفواتير
والشي الثاني حصل لي موقف في احد القهاوي اني طلبت عصير وطلبته يكون فيرجن يعني خالي من الكحول
اوكي وانصدمت انه جالس يسويه قداميويحط معاه ولما قدمه لي قلت له اكيد هذا فيرجن قال ايي طبعا قلت انت ايش جالس تسوي قدامي تغير وجهه شوي وما عرف ايش يسوي وجابلي واحد ثاني في الحقيقه مرره ظايقني هالشي
وما اعرف ولله ايش اقول زياده بس اذا عندكم اسإله ولله انا حاظر