السلام عليكم
كيف حال الاعضاء ان شاءالله بخير
حبيت ان اقدم لكم تقرير عن صور جزيرة بوراكاي والله جايبلكم صور راح تعجبكم وتعشقوا الجزيرة
طبعا بداية رحلتي كانت من مطار سيبو اعتقد كانت 3000 بيسو ماني متاكد
وعلى متن خطوط cebu pacific طبعا اثناء الرحله يسئلونك سؤال واذا جاوبت يعطونك هديه
بس هديه مش حالك اي كلام بس بصراحه شي ممتع واليكم الصور من فوق الطائره
وبعد ماوصلت للمطار طبعا المطار مره صغير وماصورت المطار لاني كنت مشغول بالعفش اللي معاي
واتجهت لخارج المطار واستقبلوني المسؤولين عن الفندق اللي سكنت فيه الى قارب اخر ليأخذني
الى البوكا بيتش وهذي الصور بعد ماوصلت الى البوكا بيتش
وطبعا سكنت في فندق La CarmeLa بصراحه فندق عجبني مرره رايق وفيه مسبح في الفندق وامامه البحر
يعني المنظر خيال طبعا الغرفه اللي سكنت فيها افخم غرفه عندهم الليله 7000 بيسو
وفيه ارخص من هالسعر بس اهم شي راحتي
واليكم الصور
]
وهذا طبعا كهف مكان ياخذك لحد عنده والله الكهف جميل من الداخل بس ماصورت الا صورتين
اما القارب الشراع هذا وربي فله انا ركبته مرتين ولا طفشت النصف ساعه 500 بيسو اما بالساعتين 1500 بيسو
وربي بلاش شي رايق
بالله وش رايكم في هالطقس هذا مو شي جميل والله ودي بس انسدح ع الشاطيء
اما بالنسبه للجت سكي والله ببلاش النص ساعه 1000 بيسو الساعه 2000 وتقدر تكاسره
طبعا انا اخذت نص ساعه وعشت اللحظه ههه
اما بالنسبه للباراشووت 15 دقيقه 2500 طبعا خويكم كاسره لين ماخذته 2200 بالقوه والله
طبعا هذا انا مسوي سوبر مان ههه
وطبعا خلصت الصور وانتهت رحلتي ببوراكاي ومع العلم هذي المره الرابعه
ومع ذلك مامليت منها ومازلت احن لها الى يومكم وهذي طبعا رحلتي قبل شهرين
وارجو اني امتعتكم واي سؤال احنا حاضرين وتقبلو تحياتي وانا اسف اذا طولت عليكم التقرير وكثرت الصور بس انا ابي امتعكم
فقط وابيكم تعيشو معاي لحظه بلحظه وتقبلو تحياتي وشكرا لكم