jnanl
12-12-2022 - 04:01 pm
السلام عليكم تقريري اليوم عن سفرتي الأخيرة
الى بريطانيا و فرنسا
اللي كانت من يوم السبت 10 /8 الى يوم الجمعة 6 / 9 / 2013
والطيران كان على خطوط طيران الخليج
مشاركة بمجموعة من المنتديات لكن فضلت اخصص التقرير فقط بمنتدى العرب المسافرونلانهم ساعدوني في الكثير من الامور ،، خاصة في استفسارتي الكثيرة و المتعددة ولهم مني جزيل الشكر والعرفان
السموحة اني حطيته في هذا القسم لان حسابي مو مسموح له اني احطه في قسم التقارير
البداية جهزنا جناطنا وانطلقنا لمطار ديرتي الحبيبة الكويت الدولي
قاعة المغادرون طبعا
وخلصنا جوازاتنا
ودخلنا داخل صوب البوابات وقعدنا انطل على طيارتنا من الدرايش
وعقب سوو نداء عشان ندخل الطيارة وقعدنا بأماكنا
وخلال 45 دقيقة وصلنا مطار مملكة البحرين
يعجبني سوق الحرة عندهم يونس
طبعا ترانزيتنا كان ساعتين ونص
و الافلام متعددة تختار عن طريق التتش اللي تبيه
وكان كان اختياري خط السير من البحرين الى لندن اللي استغرق 6 ساعات وخمسة واربعون
دقيقة
طبعا من الافضل انك تعبي بيانات المطار وانت بالطائرة السبب الاول تمضية وقت الفراغ
والسبب الثاني تجنب الازدحام بالمطار خاصة اذا كنت متفق مع احد سيارات الاجرة على وقت معين
وبعد الست ساعات وصلنا مطار هيثرو وعلى طول الى صالة القادمون
وهناك مجموعة من الموظفين اللي يخصلون اجراءات الجوازات
وكانت معاملتهم لنا بقمة الرقي خاصة وان احنا فاميلي افتحوا لنا طريق بعيد عن الشباب واللوية
ومن الاسئلة اللي انطرحت علينا
كم عددكم ؟
شنو سبب الزيارة ؟
كم مدة الاقامة ؟
و عقب نزلنا تحت لاستقبال جناطنا
وطلعنا من قاعة الجناط
وقعدنا ندور على صاحب التاكسي اللي طلبنا منه يستقبلنا ولان تأخرنا شوي راح عنا
لكن اشوا ما كان بعيد فاتصلنا عليه وخلال ربع ساعة وصل لنا
وانطلقنا لفندقنا في لندن تيستل ماربل ارتش