بسم الله الرحمن الرحيم
السلام عليكم ورحمة الله وبركاته
رحلتي الى (( الخبر , البحرين , الدمام ))
الزياره كان يوم الجمعه 31/7/2009م اخذنا اربع ايام
طبعا الرحله فكرنا لها و سوينا لكل يوم برنامج مو نفس كل سنه مانعرف وين بالضبط نروح
ملاحظه احنا من سنة 2005 الى سنة 2009 لازم نروح للخبر (( فديتها ))
المهم الرحله قسمناها
اول يوم للبحرين ,, ثاني يوم المركز العلمي _ الخبر & الدمام (( الحياة بلازا )) ,, ثالث يوم مجمع الرااشد و العوده للكويت الحبيبه
اكيد بتقولون اليوم الراابع وينه اليوم الراابع اهو اليوم الأول لأن أول ماوصلنا الخبر ماتجولنا لأن كانت الساعه 12 ليلا
مشينا من الساعه 5 المغرب ووصلنا الخبر الساعه 11.30 مساء مع بحث الفندق صار لنا نص ساعه
فندقنا اسمه غاليه للشقق المفروشه فيه غرفتين نوم مع غرفة نوم للخادمه و ثلاث حمامات وانتم بكرامه لكل غرفه و مطبخ و صاله (( النظافه ماشالله حلو )) >> انتظروا الصور
البحرين مشينا من الساعه 12.30 ظهرا ووصلنا المراكز الساعه 1.30 ظهرا يعني مو بعيده البحرين عن الخبر
وطلعنا من البحرين الساعه 11 ليلا تقريبا و تعشينا في الخبر في مطعم فرايديز
اليوم الثاني المركز العلمي ماشالله عجبني كثير اول شي اللي فيه الكره الارضيه و غيرها و في عالم الاستكشاف (( خوااتي جلسوا و ستانسوا فيها ))
و اللي بعد عجبني القبه العلميه ماشالله عليهم (( كل شي عنه بحط لكم صوره و سعر الدخول والتذاكر))
ووراها رحنا للدمام ورحنا للحياة بلازا (( الكويتين متواجدين بكثره ))
المجمع حلو نفس تقريبا سوق المباركيه بس المجمع مو نفس ايام زمان لا عادي محلات حلوه
اليوم الثالث رحنا للراشد من الساعه 4 العصر حتى 6 المغرب ماطولنا علشان ورانا درب للكويت
الله يخلي d.v.d هو اللي خلانا نتحمل الدرب
بس والله اشتقت للخبر والله الشاهد
وانتظروا الصور قريبا
اختكم