:smile002:
حبيت اقدم لكم تقريرعن رحلتي الى المغرب
الرحلة كانت من 14/4/2006 الى 25/4/2006 على الخطوط الاماراتية و سعر التذكرة 227 دينار بحريني
خط الرحلة : البحرين – دبي – كازا – دبي – البحرين
المدن الي زرتها : 4 ليالي مراكش .... 3 ليالي اغادير .... 3 ليالي كاز .... وللة انة المدة قصيرة
بداية الرحله كانت من مطار البحرين الساعة 7:00 متجهين الى دبي ... وصلنا دبي الساعة 9:00 اخذنا تكسي و طلعنا على الفندق
و اخذنا غرفة وحدة ب 400 درهم اماراتي مو مغربي و الفندق كان عادي بس يصلح حق جم ساعة تريح فيها ... و الساعة :4:30 طلعنا من الفندق
على مطار دبي و كانت رحلتنا الساعة 7:00 الى كازا .... ركبنا الطائرة ... جان اخوكم coool :thumb_ico من قبل لاطير الطائرة تقريبا 5 او 6 ساعات ....
برج العرب و البالم
كازا من الجو
وصلنا مطار كازا تقريبا الساعة 12:30 (توقيت كازا) جان ناخذ الشنط و نصرف لنا كم درهم و طيران :36_15_17: على القطار وبسرعة نزلنة تحت حق القطار
و الا كان بيروح عنا ... ركبنا القطار درجة اولي بسعر 40 درهم و نزلنا في محطة المسافرين .. محطة حلوة و جميلة و ناسها طيبين ...
اخذت 100 درهم من كل واحد عشان اشتري تذكرة كازا – مراكش .. و رحت للشباك الي يبيعون التذاكر بابتسامة حلوة :36_1_21: اقولة بقيت 4 تذاكر
درجة اولي الي مراكش قطار الساعة 3:00 جان يرد لي الابتسامة الحلوة :36_1_21: و يقولي مافي تذاكر درجة اولي .. قالي اخذ درجة ثانية ب 75 درهم
قلت لة عطني 4 تذاكر درجة ثانية قبل لااحد ياخذهم ... جان يضحك و يقولي لاتخاف لا تخاف .. و رحنا قعدنا على الرصيف حق القطار جنا متخرعين
و خايفين نضيع ...على فكرة ذي اليوم كان يوم السبت يعني يوم اجازة... للأسف :36_1_29: ... اخر مرة اركب قطار في يوم اجازة :36_1_30: .. ليش؟؟ اقولكم ليش ...
الرحلة من كازا الي مراكش : متعبة جدا جدا
وصل القطار حق مراكش متأخر 15 دقيقة و جان اجوف الناس تركض للقطار و احنا وراهم وراهم و الا شاب مغربي جافنا مو عارفين شي
و يبين علينا نبي نسأل على طول الطيب قال لنا نعم قطار مراكش؟ و انة ابتسمت لة وقلت لة من وين اركب الدرجة الثانية قال تعالو وراي و وسط
الزحمة اختفى الشاب بس اهم شي عرفنا وين نركب ... بس جان احنا اخر ناس نركب القطار و كان القطار مليان :36_1_28: قلتلكم يوم أجازة
و قعدنا ندور لنا 4 كراسي لكن ماحصلنا للأسف :36_1_28: ... و يمكن ساعة او ساعة و نص احنا واقفين في القطار مو محصلين مكان نقعد فية ... :36_1_29:
بعد ساعة خفو الناس الي في القطار حصلنا مكان نقعد فية .... و هذي كان اخس شي في السفرة ازيد من ساعة واقفين في القطار..يلا تكبر و تنسا يا coool
صور الطريق الي مراكش
و صلنا مراكش تقريبا الساعة 7:00 و اخذنا تكسي و اتجهنا الي النخيل و اخذنا المفاتيح من مكتب الدرقاوي و رحنا :36_1_50: على طول من التعب
السكن في مراكش : سكنا في النخيل ( البوابات ) بوابة رقم 5 و السعر كان لمدة 4 ليالي 1450 درهم لليلة الواحدة و الشقة من غرفتين نوم معا الشغالة
بوابات النخيل
الشقة من الداخل
سيارتي :kashkhah:
و صورت لكم كم صورة حق الفندق و القولف
المكتب و البقالة