- وبعدها راحت للتأمين وبرظوا علامة صح
مساء الخير عليكم جميعا
توي جاي طازه من السفارة ولو تبون الحق معي اوراق الدنيا مالي خلق ارجع لهم مرة ثانية
طلعت من البيت وقريت كل الادعية وكاني رايح لمعركة وحرصت اني اوصل لهم قبل الساعه 8
المهم وصلت 8 الا ربع وقال لي : موظف البوابة انهم بيفتحون 9 يعني :112:قلت : دام كذا عطني ابليكيشن لي ولزوجتي وولدي وخلني استغل هالوقت بدل مااهش ذبان
المهم عبيت الاوراق وياهي معلومات قسم بالله التوفل ارحم .. امزح ترى كل شئ بسيط
الصفحة الاولى تشتمل على معلوماتك انت والجواز وفي الوسط عملك وعنوانه وفي الاخير تحت تشتمل على موعد المغادرة وموعد الوصول
اما الصفحة الثانية فهي تخص معلومات اول سكن راح تسكن فيه من ناحية اسمه وعنوانه وارقامه
وبعده معلومات عن الزوجة وفي وسط الصفحة قسم لايخصنا وفي الاخير توقيعك ورقم جوالك
وهنا احرص يكون توقيعك في الابليكيشن نفس توقيعك الموجود في الصفحة الثانية من الجواز والا بيقولون لك مع السلامة
وهذا الشئ طبقه على جواز الزوجة بعد .. لازم توقع انت على الابليكيشن نفس توقيع الجواز حقها
المهم فتحوا الساعه 9 وماقدامي الا انا يعني ماعندي احد
واول مادخلت جيت عن اللبنانية لانها نادتني وانا نفسيتي كارهتها من الكلام اللي اسمعه من الاعضاء هنا
( ياشين تكلم احد وانت كن فيك وحام ) من جد مالي خلقها
المهم اخذت الاوراق ويفضل انكم ترتبونها والا بيضيق صدرها .. لاني حسيت يوم شافت اوراقي مرتبة انبسطت وفلتها ...
يعني حط معلوماتك كلها في وسط جوازك ونفس الشئ لجواز الزوجة كل معلوماتها في وسط جوازها
بالنسبة للاوراق كشف حساب لمدة 6 اشهر واعتقد لازم يكون فيه مبلغ لايقل عن 25 الف ( بالنسبة لي حاط مبلغ فوق 30 الف )
لاني اشوفها راحت لاخر الكشف وحطت علامه صح عن المبلغ (يعني عدينا جزء من الامتحان )
وبعدها راحت للتأمين وبرظوا علامة صح
المهم شيكت صورة تذكرة السفر وقالت لي : شلون بتطلع من ميونخ الى النمسا ( وش هالنشبة قلت بالسيارة قالت : طيب وكتبت بقلمها الاحمر هالمعلومة تحت التذكرة .. المهم وصلنا الى فاكسات الفنادق وهذي ضرورية مرة ماتقبل اي شئ من الانترنت لازم فاكس .. وبدت عملية التشييك لكامل مدة الرحلة والحمد لله عدت الامور على خير )
بس تراهم حريصين على اسم الفندق وعنوانه ومدة الاقامة ونوع الغرفه وعدد الزوار
يعني صارت لي مشكله صغيرة واحد من الفنادق مرسل لي فاكس بحجزي .. ومكتوب فيه غرفه وحده لشخص واحد .. على الرغم اننا عائلة انا وزوجتي وابني .. وقالت : مايمشي الحال .. المهم منا ومنا والحمد لله جبنا لها فاكس غرفه لشخصين وقالت : اوكي
وباقي الاوراق- صورة من بطاقه العائلة لكل جواز .. وكذلك اوراق التأمين لكل جواز نسخه ( في الغالب يعطيك مكتب التأمين نسختين ولو ماعطاك قله يعطيك)
تعريف العمل بالانجليزي وكذلك صور شخصية
ولكن للأمانة الموظفة اللبنانية كانت جدا رائعه معي والصراحة اكملت اغلب الابلكيشن حقي وكانت جدا متعاونة ويوم صارت المشكله الصغيرة حرصت جدا انها تحلها .. وقالت : خلاص والوعد بعد اسبوعين .
على فكرة ترى الفلوس كاش مافيه بطاقة
واي استفسار انا حاظر .................
