ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في ايطاليا

تفضلوا احداثيات Armani Outlet

خو مزنه

31-08-2022 - 04:03 am

لاحظت اغلب الاخوان والاخوات يسالون عن احداثيات ارماني اوت لت الي قريب من كومو وامس طلبت من الفندق عنوانه وعطاني اياه ورحت له اليوم ولقيته مسكر لانه السبت والاحد ويكند لكن خزنت احداثياته وهو تقريبا نص ساعه من ميلان .
تفضلوا الاحداثيات
n 45 43.361
e 009 04.082
لاتنسونا من صالح الدعاء

التعليقات (8)

الوتين

31-08-2022 - 07:22 am

الله يجزاك خير ويسهل امورك ويرضى عليك وين مارحت

فوّاز

31-08-2022 - 08:23 am

والله ونعم خو مزنه لاهنت يالذيب

خو مزنه

31-08-2022 - 09:24 am

الوتين
تسلمين اختي يعطيج العافيه واي شي ثاني انا حاظر

خو مزنه

31-08-2022 - 10:25 am

فوّاز
ولا انت يافواز ماعليك زود ..

الوتين

31-08-2022 - 11:26 am

طيب ممكن ترشح لي اوت لت غير سرفالي بميلان اوقريب منها الاوت لتات كثيرة والاسواق اكثر ماقدرت اختار ابي واحد فية ماركات وكبير اجلس فية يوم كامل
ولكم شكري ودعواتي

خو مزنه

31-08-2022 - 12:27 pm

والله ياختي انا عن نفسي ماروح غير فوكس تاون حتى يوم سالت الايطاليين قالوا مانروح غيره سيرفالي وشلة سيرفالي مافيها ماركات تسوى الواحد يتعنى لها بصراحه انا يوم السبت رحت فوكس تاون واستمتعت بالتسوق فيه ومن الصبح لين المغرب وانا اتسوق فيه واحس اني ماخلصت مجمع كبير ومرتب بطريقه مذهله صراحه وفيه كل الماركات العالميه ...

الوتين

31-08-2022 - 01:28 pm

جزاك الله خير ماقصرت

فوّاز

31-08-2022 - 03:30 pm

خو مزنه حبيبي شلون ماكو ماركات بسيرفالي ؟ اكو برادا وكفالي ودي ان جي واظاهر فيرساتشي ، بس انت وحظك اذا بتحصل شي والا لا ، لان حتى فوكس تاون احياناً مانحصل فيه شي تحياتي لك شخصيا