جنون هاديء
12-02-2022 - 04:22 pm
السلام عليكم ورحمة الله وبركاته
يوم الاحد 25 جولاي وصلت والحمدلله لمطار هيوستن عبر الخطوط القطريه
وكان سير الرحله : الرياض - الدوحه - هيوستن
قبل لا اسافر كنت كل يوم ادخل المنتدى عشان اشوف مواضيع الاعضاء عن الوصول لأمريكا واجراءات المطار
مع العلم اني اول مره ادخل امريكا .. والفيزا سياحيه
ابشركم والحمدلله كل الامور تمام والاجراءات كانت جداً عاديه .. اللي طولت فيه عند مكتب التسجيل جلست حوالي ساعتين بسبب كثرة الاجانب وقت رحلتي .. وعبيت نموذج بمكتب التسجيل معلومات عامه عني وعن عنواني في امريكا ومعلومات عن الاب والام .. مثل الاسم وتاريخ الميلاد وعنوان السكن في السعوديه
سألتني الموظفه عن سبب وجودي في امريكا .. وعند مين بتروح .. وهل معك بطاقات ائتمانيه
الموظفه هذي كانت تضحك وتنكت .. يعني الوضع كان عادي جداً وكل شي عدا بسهوله والحمدلله
وكانت المعامله جداً راقيه وبكل اريحيه وابتسامه .. وكأني كل شهر اجي امريكا
التفتيش كان فقط في مطار الدوحه .. تفتيش شخصي وتفتيش الشنطة اللي كانت معي ّ
لأي استفسار انا موجود ان شاء الله
الى اللقاء
وان شاء الله تستمتعوا بسفرتكم ^_^