eSpAnYoOoL
23-05-2022 - 06:03 am
:
°• •° °• •°°• •°°• •°
السلام عليكم ورحمة الله وبركاتة
أول شي أحب أهني جميع المقبولين ال 6547 في برنامج خادم الحرمين الشرفين للإبتعاث الخارجي
وأتمنى كل التوفيق للمستبعدين من البرنامج
وأخص بالذكر المبتعثين والمبتعثات ل دولة أسبانيا
وإللي يعتبرون أول دفعة تدخل ضمن برنامج خادم الحرمين الشريفين
ف حياكم الله في أسبانيا , وأتمنى إن الديره تعجبكم , وأكيد راح تعجبكم إن شاء الله
وتقضون مرحلة دراسية مليئه بالمتعه والفائده , وترجعون ب أعلى الشهادات
مع الإعلان عن الأسماء لاحظت كثرة الإسئلة عن الخطوة التالية ما بعد القبول النهائي, منهم موضوع الأخت قموره
وكون إضافة دولة أسبانيا للدول الموجه لها الإبتعاث يظهر لأول مره في هالمرحله , ف في هالموضوع راح أوضح الخطوات اللي يتوجب ع المبتعث القيام بها
إبتداء من السعودية , و وصولاََ لأسبانيا
سبق وشرحتها في ردي عالموضوع , ولكن اكتشفت اني نسيت بعض الأمور الي قد تكون مهمه
الذاكره وعمايلها
الأمور راح تكون أبسط مما تتخيلون إن شاء الله , والإجراءات اللي يتوجب عليكم تسوونها بسيطه
بسم الله
°• •° °• •°°• •°°• •°
:
:
°• •° °• •°°• •°°• •°
السعودية
بعد صدور الموافقة النهائية , الوزارة راح تسلمكم ( قرار الإبتعاث )
موضح فيه الدولة والتخصص ومدة الدراسة
على ضوء القرار هذا , راح تستلمون ( خطاب السفاره ) عشان إستخراج الفيزا
خطاب السفاره , يكون موضح فيه إن الطالب فلان بن فلان مبتعث من قبل وزارة التعليم العالي , وإن الوزارة متكفلة بالأمور المادية
بيكون بالإنجليزي طبعاََ
ف لو تقدرون تترجمونه للإسباني عند أي مكتب ترجمة معتمد يكون أفضل
لأنكم راح تحتاجونه في الأيام الأولى إذا وصلتم على ما يجيكم الضمان المالي من الملحقية
إذا ما تقدرون مو مشكله , الإنجليزي يمشي
واذا إستلمتم هالخطاب , تأكدوا إن الراتب الشهري موضح فيه , لأن السفاره تطلب إنها تعرف كم راح يكون دخلك الشهري
تتوجه بهالخطاب للسفاره , بالإضافة إلى باقي الأوراق إللي المطلوبه
وهي غالباََ غير معقده
( جواز السفر , صور شخصية , صوره من الخطاب , قبول الجامعه في أسبانيا , حجز السكن , كشف طبي , إجراء البصمات في الأدله الجنائيه )
وتقدرون تتأكدون منها عن طريق الإتصال بالسفاره , أو تروحون لهم وتاخذون الأبليكيشن و ورقة الطلبات , وتعبونها على رواق , وتجهزون ملفكم.
إحتمال يعطونكم موعد ل مقابلة شخصية , وهذي ما كانت فيه سابقاََ , لكن اعتقد أنها صارت موضه في كل السفارات
بس إن شاء الله إنها بسيطه , كم سؤال , وتضرب الباب , وما راح يكون الموعد بعيد , مجرد أيام
فترة إستخراج الفيزا , من 3 أسابيع إلى شهر كحد أقصى
إذا الوضع سليم والأوراق كامله
بعد إستلام الفيزا , تتوجهون للوزارة لتحديد موعد الرحلة وإستلام التذكره
وبكذا تكونون إنتهيتم من مسألة السفاره والفيزا وأمور وزارة التعليم العالي
°• •°
فيه مسأله مهمه , إللي هي ترجمة الوثائق.
ل حاملي البكالوريوس /
عاد الله يعينكم على إقناع الربع بهالورقه , بس حاولوا توضحون لهم ان الجامعات هنا تطلبها , وانكم توعدونهم بعدم استخدامها داخل البلد .
بعد ما تترجمونها وتنتهون
تبدأ رحلة الختوم والتواقيع
1- بداية من العمادة , بحيث تختم على الترجمة انها مطابقة للأصل, بحيث تصير وثيقة رسمية.
2- وعلى ضوء هالختم, تروحون لوزارة الخارجية , ويختمون عليها ختم الخارجية. ( خمس دقايق )
3- وعلى ضوء ختم الخارجية, تروحون للسفارة الاسبانية , ويختمون عليها هم من جهتهم.
4- بكذا تصيرون Ok , وإذا جيتم هنا , لأسبانيا , تمرون وزارة الخارجية, وعلى ضوء ختم السفاره الاسبانية , يختمون ختم الخارجية الأسبانية.
( ولا وصلتم هنا نسوي رحلة مع بعض لوزراة الخارجية )
أما بالنسبة لخريجي الثانوية /
ف ما ادري بالضبط وش الأوراق المطلوبه بصراحه.
لكن على أي حال , ترجموا أي وثيقه رسمية تحتاجونها للتسجيل في الجامعه, شهادة التخرج مثلاََ.
وإحتمال يكون ختمها عند وزارة التربية والتعليم, ما ادري بالضبط.
واتبعوا نفس الآلية في الختوم.
وبكذا تنتهون من أي شي متعلق بال سعودية
°• •° °• •°°• •°°• •°
: