من رايي إنك تكلم البنك نفسه وتخليهم يوقفون عملية السحب

أشكرك أخوي على ردك
لكن لا يستطيع البنك إيقاف عميلة فيزا (أنا موظف بنك) أنما يمكن المقصود مخاطبة شركة فيزا والتي تستغرق 35 يوما للتحقيق في الموضوع وبعد ذلك يأتون بالرد الذي غالبا ما يكون سلبيا
عموما أنا قمت بمخاطبة فيزا عن طريق البنك المصدر للبطاقة
ولكن أريد أن أسير في الموضوع في أكثر من أتجاه في نفس الوقت
ولكم جزيل الشكر

أخي الكريم ... اتصل مباشرة بإدارة الفندق اطلب انك تكلم المسؤول أو مسؤول الحسابات ... وخاطبهم هاتفيا .. وكتابيا وأرفق خطابك بنسخة من رصيد الإقامة ...
وارسل نسخة من خطابك لشركة الفيزا .. مرفقة أيضا برصيد الفيزا نظير إقامتك في الفندق ... وإن شاء الله تنحل مشكلتك .. عشان توثق مشكلتك رسميا ... ويكون لك مرجع لو لاسمح الله ما انحلت المشكله ..
ساعات تصير هالأمور خاصة مع الفيزا ... لكن الإرجاع ياخذ له وقت ويطول بالعادة ... وان شاء الله ربي يرجع لك حقك ..
وحياك الله ...

اذا كان نفس المبلغ ما اعتقد انه نصب وارجح يكون خطأ
انا مره صار لي نفس الشي في جدة الفندق سحب من الماستر كارد المبلغ مرتين
وكلمت البنك الاهلي (اللي من مستخرج منه الماستركارد) واعطاني رقم تبليغ وبعدها قال اكتب الشكوى بالتفصيل وارسلها على رقم فاكس للبنك .. وخلال ثلاث اسابيع تقريبا والمبلغ راجع بحسابي من دون ما اكلم الفندق

الغاليه والاخوان ماقصروا او ياريت اتطمنا بالنتايج

أخواني أنا خاطبت الفندق بالتيليفون ولايميل وكل مرة يقول لاتشيل هم الموضوع ينحل في خلال يومين والى الان ما صار شي والفندق سجل الخصم على بطاقة الفيزا بمبلغين مختلفين (الفرق بينهم مئة ريال - عشرة دينار) وتم تسجيل المبلغ باسمين مختلفين كل مبلغ باسم فرع اللي قاهرين في الموضوع فندق فخم وسمعة مرة ممتازة وبعدين طلعوا نصابين

أخوي هناك قسم مختص بالجرائم الإقتصاديه في البحرين قم بتثبيت الحاله هناك وخلهم يباشرون الموضوع ويتم إستدعاء مدير الفندق عن طريقهم وسؤاله عن المواضيع ،قد يكون هناك خطا أو إستغلال..
هذا من وجهة نظري،،

اخوي الدختور ممكن الحركه تكون من الموظف انه يكون عنده خطاء وصلحه بعمليه على حسابك بس تاكد منو وراء هذي العمليه واطلب تفاصيل العملية والوقت من المركز الرئيسى للبطاقة ولا تخلي حقك يضيع لانهم يتوقعون مارح تردلهم وتكلف على نفسك عشان مبلغ بسيط تابع ......وشكرا

اخي المفروض تذكر اسم الفندق اللي نصب عليك
عشان ما يكررها مره ثانية
ويعرف ان هالطرق الملتوية تؤثر على سمعتهم