وفيه نقطه بضيفها عندنا في القصيم ما فيه مكتب رسمي للخطوط الي اعرفه انه في المطار يتواجد موظفين تبع الخطوط التركيه فقط اثناء الرحلات فقط ولاقدرت اتواصل معهم

اذا حجزك اون لاين بالنت مالك إلا تكلمين السنتر في تركيا
ماينفعونك اللي في السعودية لو تروحين مكتب مكتب
طقيت مشوار 600 كيلو قالوا اسفين انت حاجز بالنت كلمهم طبعا يتحدثون انجليزي ويتم تعديل اللي تبين برسوم 70 ليرة اذا تغير وقت او شي
وبتحصلين رقمهم في موقعهم
لكن هل تمشي الغلطه مااعرف انا حطيت لبنتي تحديد الجنس ذكر ناسيها
ولا عدلتها ومشت الأمور

شكرا لك الله يعطيك العافيه

حياك طال عمرك
شوفي طال عمرك
عندك حلين
يا تكلمينهم بالتلفون
أو تروحي زي ما ذكرتي للمطار ( مو بعيد دامك في بريدة أوعنيزة أو القصيم )
تعالي على 2 أو 3 او حتى لا تسحرتي
وتحصلين مكتبهم أول ما تدخلين يجيك الممر اللي يوديك على الرحلات الدولية والداخلية
هم بعده على اليمين
أو فيه حل ثاني
حطي ببطنك بطيخة صيفي
في الغالب تمشي الأمور بإذن الله
لإنه نفس الموظفين راح يكونون موجودين أثناء رحلتكم
تعالوا بدي بس
قبل الرحلة ب 3 ساعات خولكم في المطار
عشان لو صار ما صار يمدي تزبطون أموركم
بالتوفيق

جزاكم الله خيرا على التوضيح .....

وكل الله ولا تعدل شيء
العام طلعت من القصيم وأسماء العائلة فيها خطأ بالحروف ورحت ورجعت ولا أحد سأل
حتى بالطيران الداخلي ما أحد سأل
الله ييسر أمرك