أخواني وأحبابي أبناء ديرتي الاعزاء
كلما نويت السفر تطري علي محبوبتي
هل تلومونني في حب محبوبتي
اقرأوا هذه القصيده للشاعر ( سعد بن علوش ) وتعرفون من هي محبوبتي
وعندها بالتأكيد ستعذروني لمحبتها بل والهيام في حبها
أميره وفي عيون ناسك أميره .... ياللي على أدراج القلوب ارتقيتي ....
يالاوله لا يمكن أنك أخيره .... تبدين لاكنك حشا ما انتهيتي ....
من يومني صغيّر أشوفك صغيره .... ربيت بك وأنتي بقلبي ربيتي ....
حتى كبرت وصرت أشوفك كبيرة .... يالله عطيتي ضعف منتي خذيتي ....
أبعد وأسافر عن هواك وعبيره .... ويذوب بالي كل ما انتي طريتي ....
وأحن لك حن العشير لعشيره .... اضحك لضحكتك وابكي اليا بكيتي ....
ياكويت ياروح المحب وضميره .... لا يابعد ناسي وحيي وميتي .....
لا شفت ظيم الناس في كل ديره .... أسجد لربي اللي خلقني كويتي ....
عرفتوا من محبوبتي ؟؟
هل تلومنني في حبها ؟؟