- و الحين شكلي باخذ لفة على سوق الاحد و السبت لاني ما قد رحت لهم
السلام عليكم ورحمة الله وبركاته
بحكم اني من عشاق مدينة الضباب فدايما لي اماكن معينة آخذ منها اغراض بشكل مستمر
سواء كانت لي او كهدايا للاهل و طبعا الحين لبنوتي الحلوة
لاحظت شي: اي بضاعة اخذها تكون مختلفة عن الموجود عدنا في الامارات حتى لو المحل موجود عدنا
المهم: دايما اول يومين اقضيهم في اللف على المحلات و المراكز عشان اشوف اليديد بالاضافة للعروض الخاصة بعدين احدد اللي اشتريه
عطور: دايما اشوف ال exclusive موجودين في هارودز و سيلفريدج و اللي يكونون ينباعون بس عندهم قبل السوق
الملابس: نكست او ماركس او دبنهامز بضاعتهم مش نفس اللي عدنا فآخذ ملابس من عندهم بالذات الدلاغات و البيجامات و الملابس الداخلية رجالية او نسائية و كلها تعيش اضعاف المدة للاغراض اللي ناخذهم من الامارات و المقاسات اضبط
H&M عندهم اشيا تجنن من الميكب و الاكسسوارات و حقائب الميك اب و هاي الشغلات بالاضافة لملابس الاطفال رائعة جدا و كل محل فيه بضاعة مختلفة قليلا عن الثاني ف الف على الكل
قمصان النوم الطويلة للوالدة الله يحفظها اخذهم من ماركس او من شبردبوش لانه عندهم اشيا قطنيه عالية الجودة و على قولة العيايز لندني ههه
بعد عندهم سراويل صوف للبرد :11ld:و وايد حلوين و سعرهم حلو بعد
و الحين شكلي باخذ لفة على سوق الاحد و السبت لاني ما قد رحت لهم
بالنسبة للماركات فاي شنط او ملابس اخذهم من سيلفريدج او هارودز بالذات ملابس اليهال و طبعا لازم امر على بيبي ديور في سلون ستريت
حتى مذركير عندهم شغلات احلى من اللي عدنا و اهم شي اخذه من عندهم اكياس تعقيم المراضع لبنتي و هي استخدام مرة وحدة و العلبة فيها 7 اكياس للاسف الحين مش موجود عدنا ف آخذه من هناك لانه سهل في تعقيم المراضع للسفر و الرحلات
برايمارك كان عبارة عن جنون المشتريات عنده بجامات حلوة بالذات الشتوية
و تلاقون عنده سوالف حلوة للهدايا
نيو لووك عنهم بيجامات حلوة و جواتي عزكم الله بس الكوليكشن احلى عن اللي موجود اهني
خذوا لفة على فريزر لانهم يسوون عروض حلوة على العطور و الميك اب
على فكرة خذوا لفة سريعة على محل surprise بتلاقونه في كذا مكان في الاكسفورد ساعات تلاقون اشيا غريبة مع انه محل مو ذاك الزود
روحوا توب شوب في اخر اكسفورد محل دايما زحمة لكن عنده شغلات حلوة و غريبة
لازم اروح هامليز لانه العاب اليهال عندهم تجنن و طبعا في طريقي امر على ديزني اللي بالاكسفورد
زارا و مانجو تقريبا نفس الامارات ف ما اركز عليهم وايد
غالبا احاول اركز مشترياتي على الاغراض الي مش متواجدة عدنا في الامارات بالاضافة الى تركيز المشتريات على محلات معينة علشان ما اتعب و انا اخلص التاكس ههه
احب في جون لويس الشنط و المحافظ بالاضافة للقرطاسية وورق التغليف
عندهم عطور حلوة من الماركات البريطانية الكلاسيكية
و بتلاقون عنهم ادوات حلاقة و شنط ميك اب و مشوط و فراشي شعر ممتازة
في سيلفريدج و هارفي نيكولز تحت عند الميك اب تلاقون بعض الانوع الغير متواجدة في الخليج ف لازم اخذ لفة هناك جربوا ماركة ترش
لازم طبعا في كل مركز الف على السوبر ماركت مثلا في هارفي نيكولز و هارودز عندهم انواع شاي و قهوة خاصة فيهم و الحلويات بعد و تلاقون عندهم شطة انواع و اشكال للي يحب الشطة :112:
و ماركس نفس الشي عندهم اشيا مش موجودة عدنا مثلا عندهم مناديل معطرة خاصة بتنظيف الخشب و اخرى خاصة بتنظيف القماش او الموكيت للطواريء صراحة روعة
احب ازور محلات الماركات و اذا عجبني شي أخذه
م روحوا بيتر جونز في كنجز رود شبيه في جون لويس و عنده ملابس حلوة
امر على بوتس اورع صيدلية عندهم و احب اخذ ادوية خفيفة و فيتامينات و اهم شي عدنا في العايلة البنادول بانواعه ههه
على فكرة ترى ما يعطون اكثر من 10 علب في المرة الواحدة
ول وورث ممتاز للاغراض البسيطة و الهدايا
على فكرة في نكست عطور خاصة فيهم و ريحتها حلوة و سعرها حلو تنفع هدايا
روحوا الوايت ليز عندهم كم محل عندهم ملابس كيوت و لاتنسون تاخذون شوية مكسرات من اللي في الدور الاول تتسلون و انتوا تتمشون :36_11_15:
شكلي خابصة الموضوع ههه بس ترى اسهل عليكم
هم ما اذكر شو بعد
اوه اهم شي
لاني احب المطبخ موت :1076: لازم الف على كل قسم ادوات طبخ في كل سنتر و احلى الاماكن اللي عندها سوالف غريبة و حلوة هارودز و سيلفريدج
ان شا الله استفدتوا مني
و اللي عنده استفسار انا حاضرة
حتى نحن عدنا اشياء في الامارات ماعندهم
لوول