يعتبر ديسمبر شهر موسم لبعض فنادق النمسا خاصة اللي فيها ثلوج ( مثل زيلامسي وسالزبورغ )
وترتفع الاسعار اكثر من الصيف في بعض المناطق
انتبه للنقطه ذي وادخل على مواقع الفنادق وشف الاسعار
بس ترا الليل طويل وبارد والنهار قصير ومافيه شمس انا جربته 3 شهور ومليت
احنا الحين في الصيف في النمسا اذا جا مطر نمل لاننا مانقدر نروح مكان
وسلامتك

تسلم بن سيف
طبعا عارف هذا الشي بس لسوء حظي اني ماراح الحق على الكريسمس لاني برجع على تاريخ 24/12 والكريسمس راح يبدا 25/12 يعني راح الحق على التخفيضات
طيب اخوي سيئ جدا الوضع في ديسمبر هناك

أخوي وحبيبي
alie
موضوعك القديم ، وهذا الموضوع ، مافيها ولارد واحد يؤيد وجهة نظرك بالسفر في ديسمبر .. ترى اللون الأبيض لكل شيء .. يرفع الضغط .. تماماً مثل اللون الأسود ..
وبعدين في الأساس وش يميز النمسا .. الا الطبيعة الخلابة ( أقصد بالطبيعة الأرض الخضراء والشلالات والبحيرات والانهار ) .. وبتفكير بسيط .. كل هالاشياء ماراح تكون موجودة في فترة الثلوج .. هذا بالاضافة إلى انه كثير من المناطق والوجهات السياحية إن لم يكن أغلبها أو كلها تكون مغلقة انتظاراً للصيف والربيع ..
نصيحة أخوية مرة ثانية
إذا فيه مجال تغير موعد سفرك فشوف لك وقت أنسب ، وبالنسبة للثلوج لا تخاف راح تشوفها فوق قمم جبال الألب .. والله يخلي هالتفلريكات اللي في كل مكان
نصيحتي .. لاتندم على سفرتك .. والحكمة تقول
ماخاب من استشار
تحياتي
قانوني

اخي قانوني شاكر مرورك يالغالي
ماادري مااتوقع باحصل احد ينصحني اكثر منكم
وبيني وبينكم انا من اليوم قاعد اشوف تايلاند وماليزيا
وتسلمون من داخل قلبي