السلام عليكم ورحمة الله
بالنسبة للتسعيرة اعتقد ان المسافة بين المدينتين دورها في حساب التسعيرة قليل
و أهم عامل في حساب التسعيرة هو حجم الطلب على الرحلة
و المعروف ان اكثر زوار القاهرة من السعودية هم من جدة او من المنطقة الغربية بشكل عام
بالإضافة الى مواسم العمرة و الحج
و المعروف ان الطلب على رحلات جده اكبر من الرياض و الدمام و المدينة المنورة
مع ان حكومة السعودية و مصر وقعوا اتفاقية الأجواء المفتوحة لكن هالشي ما اثر على السعر ؟؟؟؟؟؟؟

ياخوي القاهرة هذي حكاية غريبة جدا أولا في ارتفاع اسعار تذاكرها سنه بعد سنه والمشكلة ما يتغير سعر التذكرة مع اختلاف المواسم , ياخوي في طيران الامارات وعلى موقعهم الالكتروني جرب واحجز في فترات متفاوته من السنة تلقى اختلاف الاسعار حسب المواسم , وبعدين وش السر 2 من الشباب يبغون يروحون للقاهرة العيد هذا المهم بالعافية ياله لقوا حجز ذهاب بس عودة مافيه , ودايم القاهرة كذا حتى في الصيف والله قدامي في مكتب السفريات وانا كنا في شهر اغسطس قاله المكتب ذهاب فيه لكن عودة مافيه إلا في سبتمبر وبعد على الانتظار . (( اشياء محيرة جدا بمحطة القاهرة لدى الخطوط السعودية)) ولا تهون لبنان بعد اعتقد اني سمعت انها نفس المشكلة بس على اخف شوي.

وكالة سفر
وعليكم السلام ورحمة الله وبركاته
أخوي وكالة سفر .. حياك الله
لا أعتقد أن حجم الطلب هو سبب إرتفاع الأسعار
وبدليل ذلك أن حجم الطلب لدبي من الرياض أعلى بكثير من جدة والدمام
ومع ذلك السعر من الرياض على الخطوط السعودية أرخص ب 500 ريال
مع العلم ان الحجوزات إلى دبي من الرياض صعبه حتى في غير المواسم

AboNoor
الأخ أبو نور
حياك الله ..
أخوي أبو نور للأسف الأسعار على الخطوط السعودية بشكل عام صايرة ترتفع كل فترة ودون مبرر ,, إذا مبرر إرتفاع سعر النفط وأنتهى وتم رفع الأسعار , إذا الرفع للأسعار المتتالي ما سببه ؟
وصدقني من أسوأ محطات الخطوط السعودية محطة القاهرة ولا بد من إعادة النظر فيها بشكل كامل وأنصح بإعادة التنسيق لها وتسليمها لغير الإدارة والموظفيين الحاليين واللي طلعت فضايحهم في الصيف الفائت

انا حجزت عن طريق طيران الخليج بسعر مناسب بسعر 128 دينار كويتي اي تقريبا 1,660 ريال سعودي
والكويتيه 163 دينار كويتي اي تقريبا 2,120 ريال سعودي

سبق ان سافرت عن طريق جده 2003 والتذكره سعرها 2200 ريال وانا جاي من الرياض والمسافه ماعتقد لها علاقه بالموضوع والاكان تذكرة سوريا نفس تذكرة بيروت

السبب مواسم العمرة و الحج

صدقت يا اخي مهاجر شىء غريب ومضحك في نفس الوقت.