صباح الخير
شخباركم
اخواني وخواتي بالبدايه أتمنى تباركون لي لأني انخطبت قبل أسبوعين وزواجي شهر أغسطس واتفقت مع خطيبي انه بلا عرس ومصاريف زايده ومحد بيفرح غير الناس وانا معاه بنموت من القهر من كلام الناس واللي عاجبه واللي مو عاجبه وقلت له المبلغ اللي بنحطه بالعرس نسافر فيه شهر عسل والحمدلله انه اتفق معاي بنفس الراي
فقالي انتي تعرفين بالسفر والبرامج********> على باله انا توب مايدري انه لولا منتداكم ماكنت وصلت للي انا فيه
وبالاخير اتفقنا على انه سفرتنا تكون بين لندن وفرنسا أو سويسرا وفرنسا
وبصراحه توهقت لأني ماعرفت اسوي برنامج شهر عسل
بقولكم متى بنسافر ومتى بنرجع واللي له القدره يسوي لنا برنامج له مني ألف ألف شكر
احنا سفرتنا بتكون بتاريخ 12/8 وبنرجع بتاريخ 30/8
الميزانيه اللي قالي عنها زوجي هي 2500 دينار
يعني بالريال السعودي 35400 ريال
أتمنى تساعدوني ولكم مني خالص الشكر.
ملاحظه المبلغ شامل كل شي التذاكر والسكن والرحلات السياحيه وبيني وبينكم أنا مابخلي عليه مصرف المشتريات الخاصه فيني باخذ معاي مبلغ 1500 دينار لمشترياتي يعني ال 2500 ماتشمل المشتريات