شوف من وجهه نظري بصراحه انا كنت عطه العيد (الاضحى) هناك الجو كان بارد البرد اللي يذبح ومطر يعيق الحركه وبالليل لما كنا نتمشى رايحين البيكادلي ما نقدر انكمل مشي من البرد والهايد بارك مره دخلنا وطلعنا عقب دقيقه وحده لانها بارده حيل ومافيها احد بس اللي كان مهون علينا و اللي كان احلى شي بالسفره اجواء الكرسمس الاضاءات بكل مكان والزينه .... اما بشهر احد مادري اتوقع البرد الجليد اللي يخلي الواحد مايقدر يمشي واتوقع الديره بالليل تصير موحشه من شده الثلج والبرد ... نصيحه خل الميزانيه حق عطله الصيف واقعد شهر بدل 19 يوم لان جونا بالصيف لايطاق وجوهم كمان اتوقع وقت الثلوج لايطاق .....

مرحبا اختي
صحيح الاجازه يوم لاكن ما راح تكون السفره لهاي المده كلها ..
وانا اول مره اروح بريطانيا ،، و اتمنى ان اشوفها في عز برودتها و ياليت لو اشوف الثج
واحتمال كبير نكسل فرنسا لاني مسوي فيزا لندن من فتره قريبه و ساريه حاليا ..
يعني - ليالي اذا كان السفر ل لندن فقط
وانا ما راح اخسر الشئ الكبير ،، لاني من موظفين طيران الامارات والتذكره ما تتعدى درهم .. و في بعض الاحيان يوصل الخصم للموظفين بما يقارب ، و عليج الحسبه التذكره سعرها التقريبي درهم ..
والسكن مقدور عليه بميزانية - درهم للمده كامله
والباقي مصروف جيب
====
والباقي بيكون من نصيب العمره ان شااء الله

مرحبا اخويه
من بداية 12 الى 3
بصراحه لندن اتكوون كئيبه جدا جدا
الشمس تغيب الساعه 4
امطار كثيره وبرد قارص ورياح شديده
وبالاساس لندن اماكنها السياحيه معدوده والواحد ماله نفس يزورهاا في هالاجواء
مابغي احبطك لكن هذا رأيي في عاصمة الضباب
لندن احلى اجوائها بتكون من شهر 4 ل 8
في هالفتره الواحد صدق يقدر يستمتع بجمال لندن
الشمس اتغيب الساعه 9 المسا
شوف لك بديل
والسموحه منك

1. درجة الحرارة 8-9 عادي جدا

انا احب البرد جدا
ولعلمك انا رحت السنة الي فاتت بفبراير وكان الجو ممتاز يعني برد عادي

درجة الحرارة 8-9 عادي جدا

اهم شي ماتوافق مطر لان المطر هو الي يخليك تثلج اما البرد العادي تلبس جاكيت وتمشي ويعتمد عليك هل انت متعود وتحب ذي الاجواء ولا لا انا عني اموت فيها
بالنسبة للسفر لباريس مالك الا قطار اليورو ستار وهو قطار امن ورائع يوصلك خلال ساعتين و15 دقيقة وعندك رحلات طول اليوم والحجز عن طريق النت سهل جدا وحتى استصدار التذاكر الالكترونية والسعر حسب الفترة والايام الي توافقها مثلا الويك اند غير الاثنين وكمان موعد الرحلة بس تقريبا تقدر تحصل على سعر 59 باوند ذهاب و59 باوند عودة او اقل او اكثر
بالنسبة للندن لاتشيل هم السكن تسكن باي مكان بوسط لندن (مو جنب هيثرو طبعا )الاندرقراوند ومحطات الباصات ينقلك بمنتهى السهولة وطبعا فيه تكاسي بس غالية ورغم ذلك انا احب اسكن باكسفورد استريت مثلا ثستل ماربل ارش او ثستل بيكاديلي وكمان عندك ميلينيوم نايتسبريدج طبعا هذي فنادق ممتازة 4 نجوم واذا عندكاستعداد تدفع اكثر فيه خيارات كثيرة جدا
بالنسبة لفيزة لندن فيزا خاصة
وباريس لها الشنقن الاوربية
وبصراحه اذا وصلت لندن لاتضيع باريس كلها ساعتين وانت بالشانزلزية
انا رايحه باول فبراير هذي السنة ان شاء الله لاني مااحب اسافر بالصيف لندن زي ماعملت السنة الي فاتت وقضيت 10 ايام لاتنسى
لاني احب الاجواء هذي واحب اشعر بالبرد
بس ترى اسبوع يفرق في هذي الدول
اتوقع تقابل ثلج مادام خلال يناير
طبعا اذا كنت اول مرة تروح لندن فيه اشياء لازم تشوفها مثل متحف الشمع والهايد بارك ولندن اي وتاخذ كروز بنهر التايمز وطبعا بيج بن ومعالم كثيرة
وفيه مطاعم لازم تروحها زي هارد روك كافيه وبوذا بار واماكن كثيرة جدا
غير طبعا لازم تروح ويست فيلد مول
وشارع اكسفورد وصالون استريت وتروح هارودز وتاكل فيه ايس كريم ههه وتشوف سينما ببيكاديلي
وتشرب قهوة ببغيته مونجيه
وتاكل في بيزا بباروني
بصراحه اشياء كثيرة جدا
طبعا انا مااسهر لاني كمان محجبة
مااقدر افيدك وين تسهر لاني اذا اتاخرت اكون اشوف سينما فقط
وتعرف الاهتمامات تختلف من شخص لشخص انا كمان امرأة وانت رجل يعني مايهمك الشوبينق كثير وانا احترمه جدا
الله يوفقك

شكلي بكنسل السفر
بيكون عندي دوام في عطلة الربيع ..
ما بقدر اسافر حتى العمره ما اقدر اروح
كنت متحمس جدا للسفر

اخي بالفتره هذي اذا نزل ثلج راح يعيق تنقلاتك بالسياره او الاندر قراوند او الباص
اليوم بالصباح ما اقلعت اي طائره حسب ما سمعت بسبب الثلج
بلندن اكسفورد حلو السكن فيه والمارشل

انا كنت ناوية على السفر في فبراير
بس عقب كلامك خوفتوني
لاني انا معي ثلاث اطفال
تنصحوني اروح والا نكنسل السفرة....مع العلم انه اذا مارحت الان ماراح نروح في الصيف