1. مرحبا


2. كيف الحال جميعا عساكم طيبين و مبارك عليكم الشهر

مرحبا

كيف الحال جميعا عساكم طيبين و مبارك عليكم الشهر

سلمكم الله هذي ثاني مشاركه لي في المنتدى انا مسجله منذو مبطي بس ما كنت اكتب مواضيع كل ما جيت اكتب عن شي لقيت الاخوان مغطينه كله ما شاء الله كنت استفيد من معلوماتكم الجمة الي ما تبخلون علينا فيها الله يعطيكم العافيه عاد اليوم قررت اكتب لكم ثاني مواضيعي و هو تجربه ان شاء الله بتستفيدون منها
السالفه بدت من شهرين كتبت موضوع كنت ابحث عن شقه في لندن و ما بخلوا علي الاخوان في المنتدى و ساعدوني بس داهمني الوقت يمديكم عى كلمة داهمني :baaa2: و رحنا ما حجزنا شقه
حنا عايله ثمان افراد يعني ما شاء الله يبيلنا شقه كبيره ثلاث غرف نوم مع العلم اني من يوم و انا بزر و حنا نروح لندن بس قطعنا السنوات الأربع الاخيره رحنا و قلنا اكيد بنلقى شقه فاضيه في شقق اجور رود الي وش كثرها و يفضونها للسياح في الصيف
كان الشايب يكلم صاحب المكتب قبل ما نمشي و يكون مجهز لنا كم وحده على حسب الي فاضي عنده و اذا وصلنا بس نختار
لكن اقترحنا قبل ما نمشي اننا نغير المنطقه و انقسمت العايله نصهم يبون شارع العرب و نصهم يبون النايتسبريدج و كلم الشايب على ارقام مكاتب التأجير الي عنده لكن مع الاسف ما نفعت كل المحاولات لايجاد شقه و كلهم قالوا ان الشقق كلها محجوزه و دورنا عن طريق المواقع الي ساعدونا فيها الاخوان في المنتدى بس كانت كلها محجوزه بعدين توجهنا للفنادق و دورنا فيها مع انها بتكون تكلفتها اغلى لعايله ثمان افراد بس يله اهم شي انك تروح و انت مرتاح بس حتى الفنادق كله قالوا ضفوا وجيهكم
وكلنا امرنا لرب العالمين و وصلنا لندن ابد هي هي ما تغيرت نفس الشي زحمة العرب و الجو الرائع
الي تغير ايجاد السكن اصبح بصعوبه و بتقدرون ليش كتبت كلمة صعوبة كذا بعد ما تقرون الي صار لنا
وصلنا شارع العرب و انقسمنا ناس راحت تدور في الفنادق الي حول اوكسفورد و ناس راحت تدور في مكاتب الايجار الي على الشارع بس بلا جدوى دخل اخوي على آخر مكتب بالشارع و قال انا عندي شقه من حظكم تو عزاب طالعين منها و تكفيكم ثلاث غرف و نظيفه و بوسط شارع العرب قلنا بس هذا الي نبيه
رحنا للشقه مرتبه و نظيفه قلنا غريبه موب محجوزه قال لا كانوا حاجزينها مدة اطول بس طلعوا توهم طالعين سافروا قلنا اوكي توكلنا على الله مع اني والله كان فيه شك بصدق كلامه لان شقه بهالمواصفات وش لون تكون شاغره زي ما يقول الليله الاولى مرت على خير الليله الثانيه شفنا شي نكد علينا كل سفرتنا :5: اكتشفنا سلمكم الله ان الشقه كلها فيران كرمكم الله :112: و قعدنا ثلاث ايام راحت علينا ندور شقق و بالاخير ما لقينا آمنا بالامر الواقع و قلنا ما لنا الا هالشقه وقعنا العقد و دفعنا يعني خلاص و نقلنا عفشنا و مراتب الاسره كلها في الصاله و كل الثمان افراد صاروا ينامون فيها غرفه وحده بس :frown: يعني استئجار شقه بثلاث غرف ما كان له اي فايده و يوم كلمنا راعي المكتب قال وش دخلني انا ما ادري دخل مين بالضبط :112: بس خلاص خذ فلوسه :x1: لو تشوفون اذا رجعنا من الليستر سكوير و دخلنا الشقه نركض نخاف يطلع لنا شي كن الواحد داخل بيت اشباح و الا حديقة حيوانات تكرمون ما كنه داخل شقته الي يرجع عشان يرتاح فيها
انصحكم لا تروحون الا و انتم مرتبين كل شي عشان ما تتنكدون زي الي صار لنا