1. و اليوم يايتنكم و كلي أمل بمساعدتي في ترتيب رحلة لي 1-10/8/2009


2. المهم صعقني بإن ما ناخذ الياهال معاي و اهني :icon_shak


3. بس قلت ياللا مره في العمر من عرسنا و ما طلعنا مع بعض غير في شهر العسل


4. و هيه اكيد لا تنسون في القائمة مصنع الشكولا؟

:11mmer3:السلام عليكم يا أعضاء منتدى العرب المسافرون
والله اني استانس بها المنتدى وايد و خاصة عقب ما سافرت ماليزيا و استفدت وايد من رحلات الاعضاء و العيال بعد استانسوا وايد وايد
فصرتوا الاختيار الأول عشان احدد وجهتي و سفري

و اليوم يايتنكم و كلي أمل بمساعدتي في ترتيب رحلة لي 1-10/8/2009

طبعا عقب عناء المدراس و الامتحانات ما كنا امقررين انسافر ها السنة و خاصة عقب انتشار مرض انفلونزا الخنازير في كل المكان الله الحافظ و المستعان على هذا البلاء
فاجأني زوجي الله يخليه بإنه يباني اسافر وياه لسويسرا و عرض علي الفكرة و طبعا العرض مغري جدا جدا يعنى كان القحط و صار الخير مرة وحده و الصراحة ع طول قلت هيه قال حشا ما اتفوتين لانه عندهم مهرجان في شهر 8 صح كرنفال ع القول و وين مكانه بالضبط
قلت العرض مغري قلت خلي يولي انفلونزا الخنازير باخذ حبة البركة واليانسون و الله الحافظ خ

المهم صعقني بإن ما ناخذ الياهال معاي و اهني :icon_shak

بس قلت ياللا مره في العمر من عرسنا و ما طلعنا مع بعض غير في شهر العسل

المهم حشا سالفة طويلة و عريضة دشي في الموضوع يا بنت الناس و دخلت المنتدى و استفدت من موضوع ابو عزيز ما قصر بس طبعا غير اللي ايكون امسافر أول مرة عن اللي امسافر عدة مرات للمنطقة نفسها و خذت المعلومات اللي بغيتها
السالفة
اني ابا ارتب رحلة لسويسرا طبعا إلى جينف لمدة 10 أيام لشخصين؟
يعنى وين اسكن سمعت عن النوفيتل جريب من البحيرة و كيف يكون ترتيب الرحلة ؟
يعنى ناخذ سيارة احسن واللي القطارات والباصات احسن؟
وبعدين وين انسير لجدول عشرة ايام و شو الاماكن اللي تستحق الزيارة فعلا يعنى ما اضيع وقتي في اماكن هب حلوه ؟
و شو الاماكن اللي ممكن انسير لها في يوم وم انرد يعنى من الصبح و شو طريقة المواصلات
وابا اسير منطقة جبلية ثلجية ابا اشوف ثلج صدقي هب امثلج نفس اللي عندنا في سكي دبي ووين ممكن نسير؟
ابا عده اماكن في يوم هب مشكلة يعنى تجول ترفيه سوق
و لا تنسون ما عندنا عيال ويانا يعنى خفاف عادي مستعدين للمغامرات حشا جنه ياهال ههه
و هيه لا تنسون الحدائق و المنتزهات ؟
و الفنادق اذا فيه مبيت ووين والفنادق لا غالي و لا رخيص مول يعنى السعر زين و معقول

و هيه اكيد لا تنسون في القائمة مصنع الشكولا؟

و هيه بعد ممكن انسير رحلات ع طريق قروب سياحي والله كنت استانس ايام شهر العسل في القروب كانوا ايودون عده اماكن وشو الاماكن اللي ممكن انسير لها عن طريق القروبات وانرد في نفس اليوم و شو الشركات اللي اوكيه نتعامل وياهم
حشا ما خلت سؤال و ما سئلته
طما اعة صح
بس عشمى فيكم كبير ع قولة اخوننا المصريين
انتظركم في اسرع وقت ممكن
اوونه اتسوي نفسها خبيره جدام ريلها خ
و بالتوفيق في الرد ع اسئلتي حشا امتحان
اختكم في الله
بنت طموحة خ