عليك السلام
اختي انا انصك انك تكنسلين فيينا
وبعطيك خطتين
الاولى /اذا تبون التسوق اخر شيء
اذا وصلتوا ميونيخ تاخذون السياره وع طول للسالزبورغ وتظلون به يوومين بس لاتكثروون لان مابه شيء
وبعدها ع زيلامسي وحاولوا تطولون بها واخر شيء ميونيخ سلموا السياره واستخدموا الميترو وتسوقوا من ميونيخ
الثانيه /اذا ماتبون تتسوقون
تظلون بميونيخ اول ماتصلوون وبعدها سالزبورغ وبعدها زيلامسي وبعدها تطيروون
وع فكره اذا بتسكنون بفنادق تراهم ياخذون من الفيزا ماياخذون كاش
/ماقلتي لنا متى ناوين تطيروون؟

هلا
أستأجرو السياره من ميونخ وسافرو فيها ألى زيلامسي
وخليكم قاعدين فيها 6 ليالي لأنها أحلى مافي النمسا
وهذه المنطقه بالذات هي اللي تحتاج سياره
المهم بعدها روحو لسالزبورغ وخوذو لكم فيها 3 ليالي والله أنها حلوه
وبأخر ليله سلمو السياره في مدينه المانيه بجوار سالزبورغ
أسمها فريلاسينج تبعد عن سالزبورغ 7 كيلو
اصلا ماراح تحس أنك دخلت دوله ثانيه
يازين اوروبا بس
0دقائق من سالزبورغ النمساويه الى فريلاسينق الالمانيه
وسلم السياره هناك
عشان تفتكون من ضرية أستلام سياره بدوله وتسليمها بدوله اخرى
وتصيرون أستلمتوها بألمانيا وسلمتوها بألمانيا
بعدها أحلى قطار الى فيينا
كل ساعه فيه رحله لفيينا
والقطار حلو مره ومناظر حلوه وفاضي
3 ساعات وتوصلون لفيينا
اللي حرام اصلا أحد ياخذ سياره هناك
لأن الأندر قراوند منتشر بشبكه رائعه بفيينا
ومحطاته بكل مكان
وأحلى مافيه تطلع من المحطه المكان السياحي بوجهك
يعني مافيه مشي ولاتعب ولاشيء
روعه
كنت أروح لخمس أماكن سياحيه بيوم واحد
من سرعة الأندر قراوند
اللي ابعد مسافه فيه 10 دقائق
الله بس
ليتهم يجيبون لنا بالسعوديه أندر قراوند بس (قطار تحت الأرض)
مصاريف 12 يوم تختلف من شخص الى اخر
بس خلونا نقول 500 ريال كل يوم
يعني 6 ألاف ريال شامله تذاكر القطار من غير السياره ومن غير تذاكر الطيران ومن غير الفنادق
بتكفي بالراحه
الوزن المسموح تختلف من طيران لطيران
بالنسبه لي طيران القطريه
كان الوزن المسموح لنا 23 كيلو لكل شخص
و7 كيلو لحقيبة اليد اللي تدخل فيها للطائره
بعض الخطوط 25 كيلو للشخص
وبعضهم 20 كيلو
تقدر تتأكد منهم بأتصالك على نفس الخطوط
القارمن ماهو لازم أحدث قارمن
أهم شيء قارمن وخلاص
أنصحك بقارمن 1310 حلو ورهيب شريته من دار موجه ب900 ريال
وانا اصلا اشوفها كلها متشابهه مافيه ذاك الفرق الجوهري
نعم عندي نصائح
1- القراءه ثم القراءه ثم القراءه
والمنتدى مليان مواضيه مهمه ومثبته وفيه فوائد كبيره
وانصحك بهذا الرابط
https://artravelers.com/p/re/546116
وبغيره من المواضيع المثبته

نوته المسافره
مشاء الله ما خلو شي
تحياتي لكم كلكم

وليد الرس
صراحه كفيت ووفيت اخوي
بس اذا هي مسافره بوقت الصيف ماانصحها بفيينا
تظل بزيلامسي افضل لها وتحاول تبعد عن المدن وتظل بالارياف>>مصيرها ترجع للمدن والزحمه
بس ماقلت لنا متى وقت سفرها.؟

يعطيكم العافيه الصراحه كفيت ووفيتو....بس انا ماابغى اكنسل فيينا (ممكن ترتبون لي المناطق مع وجود فيينا)
اخنتي نوته مشكوره يالغلا بس ليش اكنسل فيينا لايكون فيينا مو حلوه
ان شاءلله السفر في ابريل(دعواتكم )
/
ثاني حاجه ابي منكم الاماكن الحلوه اللي تستاهل الزياره اذا كان:
ميونخ يوم/سالزبورغ 3 ايام/فيينا 3 ايام /زيلامسي 4 ايام
هذه الاماكن الحلوه نسختها من المنتدى بس ابي تنقون افضلها على حسب ايامي.
لاني ماعرف الاماكن الفعلا حلوه-وابي منكم اذا في مكان منهم طريقه بالسياره صعب ووعر تنبهوني عليه-
النسبة لفينا :
1_ملاهي براتر
2_ التجول في ساحة ستيفانز
3_ التجول في حديقة شتاد بارك
4_ الذهاب الى قصر الشونبرون
5_ حديقة الحيوانات الملاصقه لقصر الشونبرون
6_ حديقة وبرج الدانوب
7_ التجول بنهر الدانوب بالقارب
8_ التجول في شارع ماريا هلفر للتسوق
9_ مغارة هتلر تبعد عن فيينا 20 كلم مع أخذ الحيطه بالملابس لأنها بارده
0- الصعود على هضبة كالين بيرج المطله على فيينا
1- زيارة قمة سانكت كورونا تبعد 90 كلم تقريبا عن فيينا
2- زيارة شلالات ميرا تبعد 80 كلم تقريبا عن فيينا
الأماكن السياحيه في سالزبورغ أو بالقرب منها :
1_ الذهاب الى البحيرات و القرى الريفيه ( وولف قانق + سانت جيلجن + فوشل آم سي + موند سي )
2_ شارع المشاه في سالزبورغ القديمه وشارع المشاه في سالزبورغ الحديثه
3_ التجول على نهر السالزاك وحديقة الميرابل
4_ الصعود بالتلفريك الى القلعه القديمه في سالزبورغ القديمه
5_ المرور على قرية هالشتات ( hallstadtt) الجميله وتبعد 80 كم عن سالزبورغ
6_ الذهاب الى الكهف الجليدي ( معلومه : المشوار متعب وخاصه للنساء والاطفال )
7_ زيارة قصر الهلبرون ( فنتازيا مائيه )
8_ زيارة الأوت لت القريب من سالزبورغ للتسوق
الأماكن السياحيه في زيلامسي ( كابرون ) :
1_ التجول حول بحيرة زيلامسي الجميله وركوب السفينه في البحيره
2_ الذهاب الى قمة كابرون الثلجيه
3_ الذهاب الى قرية سالفيدين وفيها الزحليقه الصيفيه
4_ الذهاب الى شلال زغموند ثون كلام والمشي على الخوانق الخشبيه الضيقه قريب من كابرون
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
7_ الذهاب الى شلالات كريمل
8_ زيارة قرية walchsee وتبعد تقريبا مدة ساعه عن زيلامسي فيها زحليقه صيفيه أيضا وفيها بحيره جميله
9_ اذا عندك وقت فراغ ممكن زيارة ملاهي فاميلي لاند
0- شلال الوادي الضيق ليشتن شتاين وسانت يوهان والمشي على الخوانق الخشبيه يبعد ساعه عن زيلامسي
1- زيارة قرية goldegg وتبعد 35 كلم عن زيلامسي
2- الذهاب الى مدينة انسبروك وزيارة عالم الكريستال ( سواروفسكي ) القريب منها
3- زيارة القرى الجميله مثل : قرية باد قاستين وقرية باد هوف قاستين
الأماكن السياحيه في ميونيخ او بالقرب منها:
1_ شارع المشاة الرئيسي الرابط بين الساحتين
2_ ساحة المارين بلاتز
3_ ساحة الكارل بلاتز
4_ شارع المكسميليان ( شارع الماركات العالميه )
5_ الحديقه الانجليزيه
6_ حديقة الحيوانات
7_ حديقة الهوف قاردن
8_ زيارة مول ريم اركادن والذهاب الى اوت لت اسكادا
9_ حديقة الاولمبياد ومتحف bmw
0- الذهاب الى ملاهي سكاي لاين بارك
1- زيارة حديقة وملاهي ليقو لاند وخصوصا للاطفال وتبعد 112 كلم عن ميونيخ
2- الذهاب الى قرية غارمش الريفيه الجميله
3- زيارة قرية bad tolz باد تولز الجميله وفيها زحليقيه صيفيه
4- الذهاب الى معرض او كما يسمى مدخل ميونخ الا وهو dimension m وهو قريب من مطار ميونيخ وفيه العاب للاطفال ومجسمات كبيره للطائرات وايضا تستطيع الصعود الى التله الموجوده فيه وتصوير مطار ميونيخ

نجمه الكون
اخوي الموقع هذا بيفيدك بفينا وبالعربي
فيننا http://www.vienna.info/ar?quid=61520493340S1183902T&gkid=39--_--Trarevfpu--355b465b338
الاماكن اللي تحتاج فيها سياره فقط في سالزبورغ وزيلامسي وكابرون وميونخ اذا ماتبي الاندر قراوند
تحياتي

اخواني ارجو منكم مساعدتي
انا محطه الانطلاق والوصول (ميونخ).....
فهل اذهب من ميونخ -الى سالزبوغ-ثم زيلامسي- ثم فيينا --- ثم العودهالى ميونخ لتسليم السياره
كم المسافات بين هذي المدن؟؟؟؟؟؟
وكم يستغرق الوقت من فينا للعوده الى ميونخ؟؟؟؟؟؟

نجمه الكون
يعني ذهابك والعوده ميونخ؟؟؟؟
في هذي الحاله اذا تبين فيننا وخاطرك فيها وانتم مستأجرين سياره مالكم الا تروحون بالسياره والمسافه 3 ساعات بينها وبين سالزبورغ
سؤال انتي حاجزه فندق بفيننا ولا لا؟

قايد عنادك لا لسه ماحجزنا فنادق فيينا بس ليش؟
وماشوفكم رتبتو لي المدن >_<
(ملاحظه:ترى انا نفسي نجمه الكون بس مادخل معي فاضطريت اسجل مره اخرى)