مساؤكم ورد
شخباركم عساكم بخير
اليوم بحط لكم جدول رحلتي المقررة لدبي بإذن الله ورعايته بتاريخ 21/3/2007 لغاية 23/3/2007
بإذن الله الرحلة بتكون الساعه 8 ونص الصبح على متن خطوط الجزيرة ونوصل الساعه دبي الساعه 11
أول شي الرحلة شبابية بحته يعني بنستانس ونغير جو وبقط اليهال عند الوالده وبساافر
يوم الوصول راح نأجر السيارة من المطار ونطير على الفندق اللي اهوا فندق الخيام في سوق مرشد عقبها راح نروح السيتي سنتر وبنظل هناك لغاية الساعه 4 العصر وعقبها بنروح في مدينة الجميرا نشوفها بحكم انه ولا مرة رحت لها وبنتفرفر لغاية الساعه 7 المساء وبنرجع سوق مرشد وآآآآه من سوق مرشد
ثاني يوم بنقوم من النوم الساعه 8 الصبح وبنتفطر وعلى طول برج العرب علشان نركب البراشوت واو على البرااشوت وبس نخلص بنروح مجمع ابن بطوطه وبنظل فيه لغاية الساعه 4 العصر ومنها إلى عالم التزلج والإثارة الإمارات مول وبنظل قاعدين فيه لغاية الساعه 8 المساء وبس نخلص راح نرووح كورنيش دبي وبنأجر القارب الصغير نطق فره في المنطقه ومنه إلى الفندق على طول
ثالث يوم نقعد بدري ونرووح الشارقه أول شي بنروح القصباء في الشارقة نتطمن على حلالنا وبعدين بنروح مجمع ميغا مول وبنلعب لعبة الرعب نيها وأكيد بنتسوق وعلى الساعه 7 المساء بنرجع دبي وراح نروح سوق نايف وبنظل فيه لغاية الساعه 9 المساء ومنها إلى الفندق ناخذ أغراضنا ونطير المطار
والعودة بسلام إلى ارض الوطن الغالي
شرايكم في برنامجنا المزعم تحقيقه إبتداءا من يوم 21-3-2007