السلام عليكم ..أمسيت بالخير ..اذا كان من جد في 2013 ...فالله يعينك ..راح تحب القراءة...والخرائط..والمفضلة عندك راح تمتلي ..علووم الين ما تسافر.
سلمك الله انا بعطيك رؤوس أقلام...والباقي عليك ...(ما تخلي تقرير في البوابة الا ومشيك عليه ومسجل معلومات منه..فنادق مطاعم اسواق أنشطة )
ونصيحتي لك اقرأ مواضيع العضو أبو عزيز ولا هان الاعضاء الباقين ..راح تلقى كل شي تطلبه.
الخطوط السعودية لها طيران دايركت الى ميلان وجنيف وفرانكفورت وباريس. (الأرخص حاليا)
يعني تطب في مطار وتطلع من الثاني ..او ترجع من نفس المطار.
والعرسان الجدد صار عندهم ثقافة اوروبا ..وسحبوا على ماليزيا ..
وراح تستانس وتنبسط باذن الله.
طال عمرك عندك جنيف والريف الفرنسي هذه منطقة (أربعة ايام)
ومنطقة انترلكن (7 ايام)
لوقانو او مدينة الالعاب يوروب بارك ( يومين)
ويوم اللي راح يكون يوم الوصول لجنيف...كذا طبقت 14.
في منطقة انترلكن ...انا اشوف انك تاخذ شقة في الريف او في قرية ..أرخص بكثير من الفنادق ..بس لازم تحجزها من بدري.. مثلا عند موقع interhome يوفر الحجوزات.
الريف الفرنسي ينصح السكن فيه وعندك المناطق السياحية أنسي وشامونيه وميجيف وتواريه.
لوقانو (قريبة من ايطاليا ومن ميلان) أو مدينة الالعاب (في ألمانيا)..لها يومين ولك الخيار...لوقانو في الجنوب ..ومدينة الالعاب شمال ..قريبة من بازل
بالنسبة للمواصلات ..انا ارشح وجود سيارة ...راح تستمتع والقيادة ماهي صعبة...تقارير ابو عزيز والاعضاء مشروح فيها كل شي.
ونصيحتي لك ...اقرا التقارير اللي في البوابة ..وحاول تحاكي واحد من التقارير وأمشي عليه مع تعديلات على حسب رغبتك اذا اعجبك.
وحدد ايامك والمناطق اللي بتزورها ...والله يوفقك
شقة لمدة اسبوع في منطقة انترلكن او قريبة منها من 2500 ريال الى ما شاء الله
الفنادق تتراوح ما بين 700 الى الف ريال لليوم ..وراح تلاقي ثلاث نجوم وتقييمها عالي ب 500 ريال.
ايجار السيارة تقريبا حوالي 2500 ريال للسيارة الصغيرة مع التأمين
مصروفات تعتمد على الانشطة والمطاعم والتسوق الخفيف ..يعني بحدود 200 فرنك سويسري باليوم كمعدل (800 ريال) ..قابل للزيادة وقابل للنقصان.
الطيران حاليا من جدة الى جنيف ذهاب وعودة للشخصين 4680 ريال
بالمختصر ..من 25 ألف الى 28 ألف ريال.....تزود او تنقص...(مجرد حسبة تقريبية وتفتقر الى الكثير من الصحة..لكن احتياطا )
فيه تقرير لأحد الاخوان في البوابة...قعد 14 يوم وكانت الصرفية 16000 ريال...شوف تقريره ..ولك الحكم

مبروك مقدما"
ولازال امامك وقت للتخطيط
اهم شي الاطلاع على تقارير الاعضاء والقرائة عن سويسرا لتكون رحلة ناجحة
سيتم نقل موضوعك للقسم الصحيح ارجو التقيد بالكتابة بالمنتدى والاطلاع على الاعلان المثبت لكيفية الكتابة