وعليكم السلام ورحمة الله وبركاته
بداية تخطيطك حلو
مع وجود بعض الملاحظات
ما شاء الله عندك ايام كثيره
ماله داعي تجلس كل هذه الايام في هذه الدولتين
يعني 6 ايام كثيره على فيينا
يومين لميونخ كويس
6 ايام كثيره على زيلامسي
5 ايام لميونخ وقارمش يعني ممكنه
والملاحظه الثانيه
انت كاتب العنون
انك بتروح في نهاية شهر مارس
في نهاية شهر مارس لاتزال اغلب الاماكن السياحيه مغلقه
الاماكن السياحيه ماتفتح الا في نصف شهر مايو
يعني شف لك حل في تاريخ الذهاب
اما توزيع الايام ف بنشور عليك والامر راجع لك
انا في خلال 13 يوم رحت النمسا والمانيا وسويسرا وباريس
اذا ودك تروح هذه الاماكن خذ الجدول التالي واذا ماتحب التنقلات الامر راجع لك
ثلاث ايام في فيينا واخر يوم تاخذ سياره وتروح سالزبورج
يومين سالزبورج
اربع ايام زيلامسي
يومين ميونخ
اربع ايام الى خمس ايام انترلاكن في سويسرا
اربع ايام في باريس وتسلم السياره في ثاني يوم لك في باريس لانك بتستخدم المترو
هذا اذا ماعندك مشكله مع التنقلات
لاني اخاف انك تجلس كثير في احد المدن وتحس بالملل
يكون ماعندك مكان تروح له
اما اذا كنت ممن يحب يجلس طول يومه على بحيره او عند شلال
ويتفرج على الطبيعه هذا الامر راجع لك
وعلى العموم فيينا مافيها طبيعه ولا ميونخ يعتبرون من المدن
زيلامسي وسالزبورج اوكيه فيها طبيعه
شف وش وضعك وان شاء الله بنرتب لك جدول
بالتوفيق ان شاء الله

آخوي رائد يعطيك العافيه
اول شي الوقت لانه وقتي الزواج ووقت اجازتي فصعب اجله
جدولك جدا رائع وراح اعدل ع جدولي ان شاء الله
انترلاكن اشوفها مره بعيد وانا ما ابي اكثر التنقلات بزياده
ومشكور ما تقصر ولا ننحرمك

انا عارف انك رتبت امور زواجك واجازتك والله يوفقك
بس اخاف تروح هناك وتجلس طول وقتك في الفندق
بس قبل تحجز وتسوي كل شي تأكد من الوضع هناك في هذه الاوقات
اذا قالوا لك الوضع مايصلح
اكتفي بالمدن مثل فيينا وميونخ وباريس
وكنسل الارياف مثل زيلامسي وسالزبورج وانترلاكن
مع ان الارياف هي الاحلى
او انك غير الوجهه الى ماليزيا او غيرها
واترك اوربا في رحله ثانيه
انا المقصد من كلامي ما ابغاك تروح وتجلس في الفندق ماتتحرك
وبالتوفيق ان شاء الله

فاهمك ي ابو مريم

مسساء الخيير
حبيت اسئال
عن أفضل مكان لتسوق فيينا أو ميونخ..؟