- :بسم الله الرحمن الرحيم
- الرياض - القاهره - كازا - طنجه - كازا - القاهره - الرياض
- ونرجع الى ارض الوطن بكل شوق وحنين الى الوطن ( ايه هين )
:بسم الله الرحمن الرحيم
بداية احب اشكر جميع القائمين على هذا المنتدى للجهود الجباره والفايده الكبيره اللي يقدمونها لشريحة كبيره من السواح العرب ... فشكرا للجميع
هذا الله يسلمكم يوم من الأيام وانا وثلاثه من الشباب طالعين نتمشى على طريق الملك فهد ( مسوى الشانزليزيه) المهم كنا في رمضان ( زي هالوقت ) ومع الأجواء العليله والغيوم الكثيفه ( مسوى في جبال الألب ) الا وينتق ( يخش عرض ) واحد من الشباب .. وش رايكم نروح للمغرب ؟؟
ويرد عليه الثاني تستهبل انت يبغالنا كل واحد 30.000 ريال ويا الله تكفيك ويرد عليه الرجال خوينا القطه (6.000) ريال ومالك الا تنسى اسمك سألناه وش لون قال انا اعرف واحد رايح للمغرب ويبي يضبط امورنا ( طبعا قبل ما اتعرف على موقعكم الموقر ) المهم تحمسوا الشباب مايبيلها شي متى نمشى ؟؟
وقررنا نمشي أول يوم العيد ( عيد الفطر ) والله ونروح للملكيه المغربية اللي بالملز ونقص التذاكر كالتالي :
الرياض - القاهره - كازا - طنجه - كازا - القاهره - الرياض
لأن الرجال اللي يبي يضبط امورنا مايعرف الا طنجه ويعرف واحد اسمه الأمين وعطانا رقمه وقال يبي يسنعكم ( دريت بعدين من منتداكم ان الامين مكتب عقاري ) والله ونكلم الأمين قالنا قبل الرحله بيومين كلموني المهم ويجي يوم الرحله ( مابغى يجي :112: ) والله ونقص البوردنق ونركب الطياره ( وقتها انا احس اني احلم من جد ) والله وتقلع الطياره وشوي الا وهذا ابو مؤيد يدور بالطياره يشيك على الركاب ويعطينا ذيك النظره :112: ( الظاهر مافيه الا حنا ماخذين التذاكر من الملكيه المغربيه ) المهم وبعد شوي الا تشوف المطار ( شوي = 7:30 ساعه ) والله ويجيني ذاك الشعور الغريب اللي عرفت بعدين من منتداكم اني مو بس انا لحالي اللي يجيني هالشعور والله وننزل من الطياره نبي نلحق على طيارة طنجه بس تأخرنا شوي وراحت وش الحل معلوماتنا بس عن طنجه وش نسوي ؟؟ الرحله الجايه باقي عليها تسع ساعات والله ونركب لك مع ذاك التكسي ونشرحله السالفه كلها من يوم انا في السياره في طريق الملك فهد ( والله من الدجه ) والله ويودينا لذاك الفندق اللي الظاهر ان اسمه اطلس والله وناخذ لك ذيك الغرفه ونريح ... ونرسل العامل حق الغرف يجيب لنا اتاي لأني الصداع والنفسيه دمار وشوي ويجيك ذاك الأتاي اللي يحبه قلبك يوم دورني ماتلقاني انواع الروقان والله ويطقني الجوع ونطلب كسكس ( متحمسين ونسمع بالكسكسي ) والله وناكل واتاي ثاني لزوم الفله وتريحه شوي وارجع للمطار للموعد مع الحبيبه طنجه ...
والله ونوصل المطار ونركب الطياره وكلها ساعه الا ربع وحنا بطنجه طبعا حنا مكلمين خوينا راعي طنجه ومواعد السواق ينتظرنا بالمطار المهم وصلنا ودقينا عليه واستقبلنا ودانا لفله الأحلام والنظام كالتالي :
أربع غرف نوم .. ثلاث صالات كبيره .. حديقه صغيرونه ... والباقي تعرفونه المطبخ ... الخ ) مع السواق والسياره وشغالتين وحارس والمبلغ = 2000 درهم ( بلاش على اربعه من جد )
المهم والله كل واحد اختار الغرفه اللي تعجبه وانا اللي امسك السواق على جنب واقوله اسمع .. انا ابي اتاي ( تخبروني احب الاتاي ) قال لي دقايق والاتاي عندك والله نص ساعه ويجيك ذاك الأتاي اللي يحبه قلبك ( بدري على اتاي كازا ) انواع الليونه بالراس طبعا المهم ونام ذيك الليله ( احلى نومه ) ونقوم الظهر ونفطر ونسوي اجتماع مغلق وكان اول كلمه قالها واحد من الشباب ( شباب صدق حنا بالمغرب ) الرجال مو مصدق وش رايكم وش نسوي الحين المغرب ووصلناها قال واحد اول شي نروح نشتري اغراض ... ويالله على المرجان ... وساعه وثلاث عربيات مليانه ( انواع الطفاقه ) والناس تطالع وش عندهم ذولي ونروح لمحل اللحوم وناخذ لك ذيك الذبيحه الصغيرونه ب ( 800 درهم ) وناخذ الخضار والفواكه ونرجع للفله وتطبخ لنا الشغاله ذاك المضغوط اللي بدري عليك تاكله في احسن محل بالسعوديه والله ونريح شوي بعد الغدا ونفكر وش بنسوي اللحين المهم مادرينا الا و ( الضيوف ) داخلين علينا وش السالفه والله ويقلطون ونقهويهم من هالاتاي الطيب وحنا من جد ماندري منهم ولا وش سالفتهم ( دلوخ ) المهم وانا اروح للشغال واقولها وش السالفه قالت هذولي ناس قرايبنا جاين من مدري وين وقلت يجلسون معاكم يسلوكم قلت لا والف لا مبادئي واخلاقي اعلا من هذا يا اختاه ... واحد زحف .... امزح عليكم .. ( جزء من النص مفقود ) والله اليوم الثاني حنا اللي نقوم بدري واحس ان عظامي متكسره مدري ليه المهم الفطور ونطلع مع السواق نتمشى ونروح المغاره والله المنظ حولها على كيفك والناس تفتح اصلا الديره كلها تفتح النفس والله وكل يوم نطلع لمكان ( واحد تعب من الكتابه ) رحنا تتوان ورحنا نشوف جبل طارق و سبته و قرى صغيره واجد نسيت اساميها بس من جد اسعد ايام حياتي وماتدري الا و(15) يوم كنها ساعه وحده .....
ونرجع الى ارض الوطن بكل شوق وحنين الى الوطن ( ايه هين )
ومن يومها وانا اعد الايام علشان روحتي الثانية في نفس الوقت من هالسنه يعني باقي شهر ( 28 يوم و 6 ساعات و 30 ثانيه ) اه من جد تعب وانا انتظر بس هالمره وبفضل الله ومن ثم منتداكم الموقر اللي استفت منه كثير تبي تكون أفضل من المره السابقة ....
واخيرا احب اقول لجميع مزاعيط المغرب الله يلوم اللي يلومكم
تحياتي للجميع
الله يخرب شيطانك والله فلم ماهى رحله
ودايم مشكله الرقابه مع الافلام العربيه
( جزء من النص مفقود )
ههه
والا هذى
واحس ان عظامي متكسره مدري ليه
ههه
الله وكبر يا كيفاوى ذابحك الشاهى