سما النسيان
17-01-2022 - 09:41 am
كنت امشي بالقرب من ستاربكس بالباتونق
وقابلني واحد بريطاني وقالي : تتكلم انجليزي قلت : ايه وش عندك ؟؟!!
قال لي : انا ما جيت الا اليوم الصباح من لندن وساكن في دازيت واخذت شنطتي وجيت اسبح عالبيتش
( ساكن بدازيت وجاي يسبح على بيتش عام ) !!!!!!
وبعدين جاء واحد نشال وسرق شنطتي باللي فيها الكريديت كارد و كل شي فيها وانا مفلس الان وياليت تساعدني ( المسكين ماعنده سفاره تساعده ) ؟؟؟؟؟؟؟؟؟
لا ويشر لي على الATM ويقولي : اسحب لي ؟؟؟ ( وقح جدا ) :112:
طبعا انا كنت متنرفز من روائح الشارع وزاد الطين بله بريحته الكريهه
وقمت اطقطق عليه شوي
قلت له: وين القروب اللي معك قال :انا جاي لحالي ؟؟؟؟؟؟؟ ( لا شجاع جاي لحاله )
المهم طلع الادمي كان شغال بالكويت ويعرف له كلمتين ( شكرا ) و ( والله )
( يعني متمرس نصب واحتيال )
قالي : من وين انت ؟؟
قلت : من السعوديه .
رجع خطوه سريعه ورى وحط يدينه على صدره وقال اوه
( الادمي ماهو فيه وحس انه توهق ) !!!!! ههه
طبعا عشانه وقح ( كعيت الضحكه بوجهه ماقدرت امسكها من منظره اللي تمنيت اني سجلته فديو )
وعلى كذا سحبت نفسي منه بأدب وخليته يفارقني
فانتبهوا منهم المرتزقه اللي عايشين هناك على طيبة قلوبنا
والله يسلمكم من كل شر
( الحلقة الجايه ابذكر لكم مواقف الخليجيين في تايلند (مواقف تموت من الضحك
ومواقف تموت من القهر :112: ) وعسى الادارة تعطينا شوي حريه وترى مافيها تجريح ولا تشويه )
و أنا سكنتفي الهوليدي إن بالباتونغ بيتش بس الحمدلله ما صادفت هالأشكال