نور الكويت كله
01-07-2022 - 07:00 am
السلام عليكم يا اخواني ..
أنا كنت متحمسه لزيارة الهند من كان عمري 7 سنوات ..
ميته عليها موت من الببايات اللي أشوفها ...
بس للأسف زوجي رافض الفكره .. بتاتا بتاتا البته ..
وما عندي غيره يوديني ..
فقلت بدش المنتدى هني .. اوريه الصور .. و التقاري عل وعسى يقتنع ..
المشكله مو هني .. المشسكله ياطويلين الأعمار ...
كل موضوع أدخله .. فبدايته ( تحذير)
يا صاير نصب.. يا مقصوص عليهم .. يا نصب .. بالصور بالنت ..
يا إلخ إلخ .. .
يعني قصص لها بدايه بس مالها نهايه ..
بصراحه إهتزت ثقتي بالهند و السياحه فيها ؟؟
يعني حاولت أدور دوله يكون معقوله ماديا لي ... إسبوع .. تقريبا ألف دينار كويتي ...
شامل طيران + وفنادق 4 و5 نجوم ..أكل .. + ومواصلات و مشتريات بسيطه ..
وخصوصا الهند حلمي من الطفوله ... بس ...
بس المشكله النصب .. و الأمان أحس معدوم ؟؟
يعني بروح أستانس ما أروح أموت هناك
والله أحس ما تسوى أقعد بديرتي أبرك ..
وأمشي على البيت اللي يقول ( برد الكويت وحرها والعواصيف ... أبركلي من غربة لو وسط جنه ) ...
شتشورون علي ...بغيت كيرلا .؟؟؟ أو أي منطقه فيها أمان وفيها بنفس الوقت سوق ومطاعم ؟؟
بس اهم ما عندي الأمان .. خص إني بروح مع نونو ... عمره سنه ؟؟ تقريبا ..
اولا نرحب بك معنا وارجو ان يكون كلامك الذي لم اجد له مبرر بخصوص التحذير
الا طريقة للفت النظر لموضوعك لأن ماتفضلت به غير صحيح اطلاقا من ناحية الامن في كيرلا
واعتقد كما يعتقد الكثيرين ان الامن للسياح فيها مكفول ولا يستطيع احد ان يتجاوز عليهم ..
انا اؤيد وبقوة ان تقنعي زوجك بالاستمتاع بالطبيعة الخلابة في كيرلا والبنية السياحية
الممتازة من فنادق ومنتجعات ولأسف بالنسبة للتسوق في كيرلا لاتوجد اسواق حديثة
او مجمعات كبيرة مثل بومباي ودلهي وانما اسواق مختلطة بين الشعبية والحديثة
متمنيا لك التوفيق ..
ملاحظة : الرجاء ان كان لديك استفسارات فتح موضوع في الساحة المخصصة للاستفسارات بالهند وسريلنكا ..