- السلام عليكم للجميع ....
السلام عليكم للجميع ....
هذه اول مشاركة لي واول سفرية لي ولزوجي الى تركيا طبعا احنا حجزنا الفنادق من السعودية وكان هذا افضل شي نعمله لكن المشكلة اللي وقعنا فيها انه مااتفقنا مع الشركة على السيارة والمواصلات وطبعا اتبهذلنا في المشاوير وانواع النصب من التكاسي وطبعا زوجي كان كل مرة يسكت وكانت اول مشكلة واجهتنا انه كان اول يوم لنا في تركيا في منتجع كلاسيس ريزورت اللي موجود بمنطقة سيلفري واللي تبعد عن المطار تقريبا 70 كيلو وطبعا احنا ماكان عندنا خلفية انه المنتجع هذا يبعد عن اسطنبول حوالي ساعتين رحنا المنتجع عن طريق مكاتب تأجير السيارات اللي بالمطار والمشكلةقال لنا ادفعوا 140 ليرة وعشان ماكان معانا الا سعودي نصب علينا اخذ مننا 350 ريال سعودي المهم رحنا المنتجع وبعد يومين كان حجزنا في بورصة شوفوا الورطة بس تخيلوا اخذنا تاكسي رجعنا لاسطنول ب 140 ليرة ومن الميناء ركبنا الفاست فيري وهناك طب علينا صاحب شركة سياحية في البداية كان كل شي تمام وقال انا اخذكم من الميناء في بورصة واوصلكم للفندق وبالفعل هذا اللي صار طبعا وانا بموت من الفرح واقول هذا ربي ارسله لنا المهم رحنا لفندق شيلك بالاس قعدنا احلى يومين بحياتي الفتدق رائع وموقعه اروع ورحنا مع قرروب للقرية العثمانية والشجرة والاسواق المهم دحين تجيكم السالفة المهمة في الموضوع كله كلمنا صاحب الشركة النصاب وقال في شخص مع زوجته رايحين اسطنبول في نفس اليوم الي احنا بنروح فيه فقلنا له اوكي خلاص نروح معاهم وقالنا اجيكم الفندق 11 الصباح وطبعا في يوم تسليم الفندق زوجي عمل تشيك اوت من الساعة 11 ونزلنا اللوبي من 12 واحنا نتستنى السيارة وزوجي كل شوي يدق عليهم مرة الجوال مقفل ومرة يعطيه بزي المهم متى تتوقعوا وصل الساعة 3 ونص اخذنا ورحنا نمر على القروب الثاني في فندق اخر وهنا تجيكم المفاجأة تخيلوا طلع القروب الثاني متفقين مع الشركة انه مايكون معاهم احد وانصدمواا لما عرفوا انه فيه معاهم احد وطبعا احنا ماندري وما رضيوا يطلعوا السيارة وزوجي قالهم انا كمان ماراح اطلع من السيارة لانه ماهو غلطتنا صحيح القروب الثاني معاهم حق بس احنا كمان لاناقة لنا ولاجمل وهي مشكلة الشركة وقلنا لهم مانطلع الا ان يدبروا لنا سيارة ثانية المهم وبعد انتظار تقريبا ساعة في السيارة قال لنا السواق خلاص احنا نمشي وكانت سيارتنا كبيرة وهما حتجيهم سيارة صغيرة بعد شوي
فاصل ونواصل عشان تشوفوا بس ايش صار لنا بعد كذا
