1. السلام عليكم

السلام عليكم

توني جاي من تركيا وحبيت اوجهكم بسرعه عند الحجز في فندق سيلك بلاس بورصا ؟؟؟
حجزت من مكتب احد الوكلات السياحيه في الرياض ثلاث ايام في بورصه فندق جليك بلاس كما ينطقها الاتراك 485 ريال شامل الفطور وعند الوصول للفندق عطوني غرفه مطله على حديقة لونا بالرك وعلى الشارع وطبعا خذت المفتاح وهو مفتاح باب عادي فيه حديده ثقيله وزنها لا يقل عن 250 غرام وأدور اللفت (المصعد )قال موضف الاستقبال لا لا الحق حامل الشنط وهو يدلك الغرفه رح نمشي من سيب الى سيب ومن درج الى درج لين وصلنا الغرفه ويوم دخلنا كانت المفاجاه والله العضيم كانك داخل فندق البطحاء بل والله اقل أثاث خشب قديم جدا بلون بني داكن وغرفه مظلمه مافيها ا لا لمبتين وحده على السرير ووحده في الحمام اللي ذكرني بحمام أخوالي في منفوحه قبل ثلاثين سنه ومكيف ماتدري هو شغال ولا طافي يطلع هوء وبس ويوم افتح باب الدالوب الصغير والله ويطيح الباب على الارض واحاول اركبه والقاه مثبت تثبيت بس عشان يطيح ويدفعونك قيمته والله يالله ركبته ؟؟؟؟
الغرفه مظلمه وقمة الحر وقمة الازعاج من الشارع قلت مايصير نزلت الى الرسبشن وضيعت الطريق بس وصلت قلت لازم تغير الغرفه لان هذا مبنى قديم وانا ابغى المبنى المجدد قال المبنى المجدد فل قلت طيب كنسل حجزي المهم بعد اخذ ورد قال بكره تغير الغرفه ؟
قلنا نمشيها اليوم ونشوف بكره لكن ماقدرنا ننام من الحر وماصدقت طلع النهار وانزل ويغير الغرف بوحده في المبنى الجديد صغيره مره بس ابرد شوي من الاولى ؟؟
بعد الساعه 12 ظهرا سمعت صجه ولجه عند الرسبشن وطلعو عوائل خليجيه يبون يكنسلون حجزهم ويطلعون من الفندق يقولون مانمو البارح من الحر؟؟؟؟؟
ولنا عوده