سلامة مطر
11-10-2022 - 03:45 pm
السلام عليكم جميع, انا مشتركه جديدة في هالمنتدى وحبيته وايد,, و حبيت اشارككم بتقرير عن مطعم في دبي يقدم برجر بلحم الجمل.. خصوصا انه موسم الأعياد قرب حياكم الله معاي و تفضلوا التقرير ..
للامانة التقرير منقول ..
مطعم Switch من المطاعم اللي قمت اروحلها مؤخرا في دبي مول
المكان ك شكل .. تحفه فنيه
و ك أكل 10/10
وكل مره ارووح اقول لازم اصور حق المنتدى وانزل موضوع واتعايز لأن كيمرتي عدستها خربانه
بس هالمره كنت شاله وياي الكيمره الصغيره .. صح انها مب بروفشنال وما عطت المكان ولا الاكل حقهم
بس بتوصل المعلومه ههه
نقول بسم الله
هذا المطعم من برع
هني حاطين المنيو .. وشي عداله مثل صورة برجر يوم قربنا منها كان مكتوب
“Camel Burger” !!يعني برجر مسواي من لحم الجمل
بالنسبالي مستحيل اتجرأ آكله .. بس ربيعتي ماشالله عليها ما تخلي شي في خاطرها ههه وقالت بجربه
المهم يلسنا ويابولنا المنيو
عقب شفنا اللي تشتغل توزع هال “SHOTS”
وجي يانا فضوول نجرب انا شربت الوردي وربيعتي شربت الازرق
كان طعمه يجنن جي حامض شرى الحلاوه
عقب يابولنا هالخبز ويا سوس الجبن
السوس لذيذ جي كريمي ع سبايسي خفيف
يابولنا عصايرنا .. بالغلط يابولي هالابيض ههه صورته وقتلهم يشلونه
عقب يابو عصيري .. طالبه فراوله .. وربيعتي طالبه نفس الوردي اللي انا شربته اول شي
عقب وصل السيزر سالاد .. انا ما اكل خس .. احم بس ربيعتي كانت متلذذه فيه
ووصلت شوربة البطاط اللي انا طالبتنها اول مره اجربها عندهم دايما اطلب المشروم
كانت لذيذه وطعمها غريب شوي .. لاني متعوده عليها تكون بالجبن .. بس هذي كانت بالكراث
يتبع
وجي تميت يالسه يلسة تأمليه اتريا تعابير ويهها عقب اول لقمه
والبنت عيبها ! وبلعته كامل .. بالعافيه عليج يعني
وانا وصلت باستتي ... بالسوس الأبيض وفيها دياي مشوي ومشرووم .. طعمها "لظيظ" ع قولتي ههه والباستات الثانيه بعد شغل عدل
وهاي سجينتهم انا منغرمه فيها ما تبين عدل بس شكلها شرى ستايل المطعم ووايد كيوت
عقب مر علينا الشيف سألنا اذا كل شي اوكيه وعايبنا .. وخذ ملاحظاتنا
اللحين جهزو عماركم للضربه القاضيه
كل اللي يحبون النوتيلا بيتخبلون اللحين
هذا اول سويت طلبناه
“Nutella Burger”
وهذا الثاني
“Nutella Pudding”
وعندهم سويتات ثانيه .. كلها لظيظه
~
نرجع للديكور لان اول شي بيلفتكم للمكان ديكوره
هالصوره خذتها من المكان اللي يالسين فيه
وهاي فالطرف الثاني من المطعم .. حبيت كرسي البيبيهات
وباقي الصور من النت .. تبين الشكل اوضح
ولو تلاحظون ترى المكان بكبره مسواي على شكل حرف السين بالعربي "س" وفي كتابات عربيه في الصقف
واضاءة المكان كل شوي تتغير .. وشي ديجي ورى
صدق جو ثاني !
اتمنى ان التقرير عيبكم ودشيتو الجو ويانا
واللي ما قد سارته تسير لان المكان وناسه ويرفرش
وعلى فكره اسعارهم وايد معقوله وكل حد يقدر ياكل هناك
مكانه عدال اللافاييت الطابق الأرضي .. ونفس خط المطاعم اللي مجابله حلبة التزلج
هذا الموقع الاكتروني مالهم http://www.meswitch.com
وهذا الفيس بوك مالهم بعد
http://on.fb.me/bYIPvI
و كل عام وانتوا بخير