هلا والله شاشه ،،،
بالنسبة للمطعم ما سمعت عنه ابد لكن فيه رحلات بالطائرة تلفون لمدة 45 دقيقة ب250 درهم تقريباً
وممكن ترجعون للمشاركات السابقة اذا أحتجتوا لعنوانهم،،،
تحياتي

هاي
في مطعم طائره على شكلهاا بس
في ديره دبي
قريب من دوار السمكه
نسيت الدوار اللي عليه
بس تترك الغرير سنتر بخالفك
ويجيك فندق كلاريج على يمينك الدوار الثاني يصير على يمينك اذا خذيت يسار
كنك رايح لفندق حياه ريجنسي
والله اعلم
اذا عرفت الوصف او حد يعرفك بالاسماء
واعتقد في موضوع نزل عنه
وشكرا

مطعم الطائرة

يتميز بالديكور المستوحى من طائرة إيرباص 747 بدرجة رجال الأعمال
وهو ضمن فندق GOLDEN TULIP

يقدم المأكولات العالميه .. وكل يوم يوجد نوع معين من الطعام للبوفيه ( الإتصال المسبق لمعرفة البوفيه المقدم )

هذا الموقع .. بجانب برج نهار بمنطقة ديره

وللحجز هاتف 2722999 /04
للإطلاع أكثر http://www.bbcm97.com/gtah/foodbav.htm
نصيحه .. مايمدحون المطعم بس الديكور
وحياكم الله

اماراتيه
كافيتي ووفيتي
وعيد مبارك لك وللجميع

مع إننا تشجعنا في أول الأمر يوم سمعنا سالفة الطياره و قلنا فرصه نتغدا في مطعم الطياره ونتعشي بمطعم
السفينه ,, بس بعد كلام اختي اماراتيه الظاهر بتقتصر السالفه على السفينه وبس
عموما يعطيكم العافيه وما قصرتوا على هالمعلومات الحلوه وبارك الله فيكم
وكل عام وانتو بخير .
تحياتي ..........

جربت المطعم الرحلة الماضية ديكور روعة الاكل --- اللة بالخير --- تعبان

حبيت اقول شغله حق الاخ الي يسأل
المطعم هذا ثابت داخل الفندق يعني لايطير ولا شي
اهوا بس منظر
يعني ديكورات طيارت من داخل بس لا اكثر ولا اقل