dell123
31-08-2022 - 05:07 pm
السلام عليكم
من اسبوع سافرنا مكة وجدة
الحمدلله في مكة وفقنا بالسكن وسكنا بزمزم كان حلو ومرتب لكن اللي يعيبه ضيق الغرفة
وفي جدة بعد ماشاهدت مواضيع الاخوان استقرينا على السكن في وكن لان من المواضيع والصور كان الافضل
دخلنا المبنى كان الرسبشن جدا صغير وكان موجود اثنين موظفين واحد اسمر وثاني اسمر بكثير للاسف ماعرفت اسمه حبيت اوضح الشكل حتى ما اظلم الثانى
المهم طلبنا من الموظف الاسمر بكثير عن الاخر حجز شقه بمسبح قال لنا سعرها 1600 قلنا اوكى قال حاليا مافي كلهم محجوزين بصراحه كان تعامله جدا زفت
قلنا اوكى نبي اى شقه بس ديلوكس قال سعر الديلوكس 1400 ممكن محد يتصدق كلامي اقسم بالله هذا اللي حصل
قلت له شلون 1400 انا شايف سعرهم بالموقع مالكم 650 بحدود 600 قال يمكن موقعنا
قلت اوكى دخلنى على موقعكم خل اشوف
كنا نحسه يبي يطفشنا مايبينا نسكن وراح وقف عند الجهاز وبعدين قال الديلوكس 650 شوفو الفرق
قلنا اوكى نبي قال حاليا مافي بتفضى العصر احنا كنا جايين الظهر
قلنا اوكى بننطر نبي نقعد باى شقة الحين دخلونا بشقة عادية
ونزلنا تغدينا بتاج محل اللى عندهم وبعد ماخلصنا غدا رجعنا لهم وللحين ماخلصو الشقه
قلت بشوفها يمكن تطلع غير
وطلعنا شفناها اقل من العادية
الصالة جدا صغيرة ومكيفات عادية الكونديشن القديم ومافي اى قطعه زل بالشقه لاول مرة اشوف شقق فندقيه من غير قطع زل طبعا كل هالاكسسوارات بس بالتصوير
المهم استخرنا وطلعنا
ورحنا رمادا حجزنا غرفه ب3 اسره ب720
الغرفة نظيفة ومرتبه وواسعه لكن للاسف اليوم الثاني اكتشفنا صراصير امريكيه اثنين بالغرفة الكرسي وعالمكتب واحد وهذا غير الخنقه اللى اختنقناها واحنا نايمين ريحة تدخين موطبيعية بالغرفة
نزلنا وطلبنا المسؤول وشكينا لهم المشكلتين
اتاسفو منا وقالو بننقلكم بسويت وماراح يتغير من السعر وكان السويت لغير المدخنين غرفة وصالة وحمام وانتو بكرامة ويوم شفناها الغرفة صغيرة قلنا مانبيها صغيرة ونقلونا لقسم ثاني نظام شقق اعتقد
غرفه نوم كبيرة وغرفه جلوس وصالة صغيرة وحمام وبنفس سعر الاولى 720
الحمدلله كانت نظيفة وكبيرة ولكن في الفندق عيوب
1_حمام الشقة الاخيرة مافيه هوز يعني نظام الاجانب القذر
2-عمال خدمة الغرف غير امينين دخلنا فجاة وهم يرتبون الغرفه والا قاعدين وياكلون اكل العيال
(بعد ماخلصو تنظيف عطيناهم الاكل )
3-من تدخل الفندق عند الرسبشن ريحة كريهة يقولون ريحة شيشه
4-ريحه السجاير في الممرات كان ماعندهم مكيفات تشفط الريحة
