- ثانيا:
السلام عليكم ورحمة الله وبركاته ،،
الحمدلله عدت من سويسرا وانتهت رحلتي المخطط لها في شهر سبتمبر 2011،،
موضوعي هنا عن استئجار السيارة بسويسرا والشركه اللي جربتها ،،
أولا:القيادة في سويسرا ممتعه للغايه ،، نصيحة من مجرب كان متخوف جداً جداً من القيادة هناك لقيتها أمتع والله من السعودية ،، اقل شئ ترتاح اذنك من ازعاج بواري السيارات ومكالمات الجوال وانت تسوق هناك ،،
ف نصيحه نصيحه نصيحه لا أحد يفوت الفرصه هذي عليه ويجرب القياده هناك دامه بيسافر ،، طبعا مع الصديق الوفي ( قارمن )
ثانيا:
داهمني الوقت وبقى على الرحله يومين فقط ولم استأجر سيارة أو بالأصح ( يورب كار ) لما عدلت حجزي عندهم وكنت طالب مقعد طفل الغوا الموافقة السابقه وقالوا انتظر ردنا بالموافقة على تعديل حجزك للسياره ،، وسافرت ورجعت ولم يردوا على تعديل حجزي ..
اسفين لو بنطول عليكم بس اعرف فيه ناس تحب ادق التفاصيل عشان تطمئن قلوبها ،، خصوصا اللي اول مره يروح
توكلت على الله ودخلت موقع بوكنج وعن طريقه دخلت موقع
http://www.booking.traveljigsaw.com/Home.do?affiliateCode=booking_ar_ae&adplat=footer
مع اني قرأت ان أحد الاخوان استغلوه هذا الموقع ولعبوا في فيزته لعب وكل شوي يسحبون منها ،، قلت خربانه خربانه
اتصلت ورد الأخ يتكلم العربيه ( هشام ) وحجزت عن طريقه وطولت معه واخذ ادق التفاصيل مني اللي ابيها بالحجز
ديزل / اتوماتيك / ركن الفرنسي / كرسي اطفال / تأمين .... الخ وقام يحوس بكل الشركات لين حصل السعر اللي ابيه ومناسب لي .
قالوا يوم بالكثير ويجيك الرد واذا خصم من فيزتك المبلغ يعني الحجز تأكد ،، وبعد نص ساعه خصم المبلغ ارتعت
قلت بدينا بشغل النصب والاحتيال ما امداهم يحجزون ،، واتصلت عليه قلت خصم المبلغ وجاني إيميل وانت تقول بعد 24 ساعه ،، قال لحظه ،، قال فعلا تابعنا حجزك معهم اول باول وكل شئ تمام سيارتك جاهزه
ستروين c5 ( انصح فيها للي معه شنط كبيره )
طبعت الايميل وصلت للركن الفرنسي بمطار جنيف ،، وفعلا كل شئ تمام هنا ارتحت نفسيا من عملية الاستغلال
واخذوا تأمين 1300 يورو فقط ،، وسألوني عن الرخصه الدوليه ،، وعطوني المفتاح وقالوا رح تحت بتحصل سيارتك
نزلت وماحصلت كرسي اطفال ،، في دقيقه جت وقالت تفضل هذا الكرسي ،،
وبعد انتهاء المده رجعنا السياره ،، وخذوا المفتاح ولا تكرموا يشوفون السياره هي فيه او لا قالت الحق على رحتلتك بس مهوب مثل ربعنا يدور أي حكه أو اي نمله تمشي على السياره يقول ليه تخليها تمشي ،،
قلت لها حاسبيني على كرسي الاطفال قالت لالا هذا مجانا لك ،، قلت بنفسي الوعد التأمين بتخصمون منه وبعد يومين رجع التأمين لفيزتي ولم يخصم أي ريال ولله الحمد
الموقع يحجز بعدة شركات عالميه مشهوره للتأجير ،، الشركه الخاصه فيني كانت ALMO يقولون سويسريه والله مدري عنهم اهم شئ انها روعه جدا
التوكل على الله اهم شئ ،، والموقع بإذن الله آمن للي متخوفين من الموقع لاني انا كنت متخوف جدا وماقرأت احد نصح فيه .
السياره كانت 5 ركاب / ديزل/ اتوماتيك / موديل 2011 / ستروين C5 ممتازه للي معه شنطتين كبيره ووحده وسط ،،
السعر 3600 ريال لمدة 12 يوم وعطيت الموقع 400 درهم اماراتي زيادة تأمين بخصوص يعوضوني عن 1300 يورو لو خصموا منها شئ .
وبالتوفيق للجميع ،، واسفين ع القصور
فرحة زمانه والله شغل جميل ومرتب وافي بالمعلومات
تسلم يالغالي
هولمز