السلام عليكم ورحمه الله و بركاته
اليوم كان موعدي في قنصلية سويسرا ساعه 12:00 لين 12:30 انا وزجتي
الحمد الله وصلت قبل الموعد بنص ساعه تقريبا اول ما دخلت قنصلية موظف استقبلني وخذ مني اوراق التالي بالترتيب :-
1- جواز السفر
2- ابلالكيشن مستوفي جميع المتطلبات مع صورتين شخصية
3-تذكرت السفر رايح وجاي
4- حجوزات الفندق بالترتيب
5-كشف حساب البنك
6- التامين الصحي
7- حجز المركبة
والحمد الله ما طولت كثير كلها خمس دقايق وعطني ورقه الذهاب الي البصمه و ما طولت في سفاره اكثر من ربع ساعه ولله الحمد
دفعة رسوم كالتالي :-
1- 16 درهم لتجهيز الاوراق
2 - 600 درهم الاستخراج الفيز للشخصين
و عطوني موعد بتاريخ 11-6-2013 استلام الجواز وا ن شاء الله بالموافقه
ملاحظه مهم :- لحظت ان في ناس تغفل عن ترتيب الاوراق و تنسي المتطلبات و تدخل بشكل عشوائي و يصير الزعل
للعلم بنفس الوقت انا وطالع شفت شخص يعني حالته يثري عليها مع العصبيه و قلت له يا اخوي هدي اعصابك و كان ناسي فقط كشف الحساب و عطيته النصيحه البسيطه اتصل للبنك و يطرش لك كشف الحساب وانتهي الموضوع ... كل شي لازم ينحل بس يباله تفكير شوي
السموحه طولت عليكم و ان شاء الله في ناس تستفيد من تجربتي
صلى الله على سيدنا محمد وعلى آله وصحبه وسلم تسليماً كثيرا