عازف العود
17-11-2022 - 01:38 pm
بسم الله الرحمن الرحيم
السلام عليكم
اليوم الحمد الله استلمت فيزا سويسرا
وانا قدمت عليها في يوم 11/11
استخراجها جدا جدا سهل
شروطهم كانت
{ كشف حساب - حجز الفندق - حجز التذكرة - الابلكيشن من موقع السفارة - 2 صورة مكشوف الرأس - تأمين صحي " ممكن استخراجة من مكتب الطيار " }
اتصلت على السفارة
وطلبت حجز وحددت اليوم
وبعدها طلب مني اسمي وجنسيتي ورقم جوالي
وبعدها قالي اجي الساعة كم
اول ما وصلت السفارة كنت مبكر شوي
انتظرت يمكن 10 دقايق كان موعدي الساعة 8 الصباح
وبعدين رحت للحارس وسلمتة الاوراق وبعدها تفتيش عادي عند البوابة
بعدين اول ما تدخل فيه بابين الباب الي على اليمين
يكون مكتوب علية " فيزا - تاشيرة " والباب الي قدامك مكتوب عليه " السفارة "
طبعا مع الباب الي على اليمين
سلمت الموظفة اوراقي وكانت من الاخوات اللبنانيات
اخذت اوراقي وقالت لي انتظر الين ما تدخل بياناتي
طولت شوي لان هاذي اول مرة استخرج الشنغن من سويسرا
وبعدها اخذت بصماتي وطلبت 295 ريال حق الفيزا
واعطتني ورقة عشان استلام الجواز
الاستلام يكون من عند البوابة نفس الحارس يسلمك الجواز
والتسليم كان من 12- 1 ظهرا
طبعا هاذي اول مرة انا استخرج الفيزا بنفسي بالعادة
اهلي هم الي يزبطون كل شي بس هالمرة قالو لي لازم اعتمد على نفسي
واجهتني مشكلة في الابلكيشن ما عفت اعبية
بس في ام الحمام خلف هايبر بندة
نفس المكان الي يستخرج منه فيزا بريطانيا في جبة محل
ناسي وش اسمة المهم هو يعبي لك الابلكيشن
وهذاك الشارع كلة محلات يعبون لك الابلكسشن ويزبطون لك كل شي
ولو تبي حجز موعد وتامين برضو يزينونه لك
هاذي تجربتي حبيت اشارككم فيها وان شا الله تكون فيها فايدة
تأشيرة
وهذا اللي نطالب فيه
ان الشخص يعتمد على نفسه في استخراج الفيزا
تجربة موفقة .. ورحلة سعيدة