السلام عليكم ورحمة الله وبركاته
حاب اشاركم تجربتي في السكن في شقق البرنس الذهبي
واعتذر وبشدة أني ما صورت كالعادة انسى الكاميرا
المهم
الشقق موقعها شمال الجوازات والمنطقة على ما أظن اسمها المربع
انا خذيت شقة غرفة وصالة "رقم 506"
كان سعرها الأصلي 340 ريال
بس خلصناها ولله الحمد ب300 ريال
طبعا انا حجزت 6 ليالي
بس لظرف طارئ اضطريت اغير الحجز ل4 ليالي
حسب الايصال الحجز لا يمكن تغيره ولا رد المبلغ المستلم
بس الشباب في الاستقبال متعاونيين لأقصى درجة
ومحترمين جدا جدا جدا وخاصة الأخ حاتم
بالنسبة للإيجابيات:
الشقة مكونة من غرفة نوم وصالة
وممر فيه مطبخ تحضير وراهي
وحمام مساحته جيدة
الشقة بشكل عام نظيفة
والارضيات خشب
الا غرفة النوم موكيت بس نظيفة
فيها تلفزيون ال سي دي
وبالفندق كافية
ثلاجة
روب للسباحة
صابون وشامبو وشاور جل
مايكروويف
بالنسبة لي الشقة نظيفة جدا
والسرير كان الفرش الي عليه مو نظيف
بلغتهم وخلال دقايق تم استبداله بطقم كامل ونظيف
السلبيات:
الفرش مستهلك وخاصة طقم الجلوس بالصالة
باب الحمام "عزكم الله" زجاجي ومفتوح من أعلى
وزواياه ما تصكر كل المساحة المخصصة له "نظام كل الشقق"
المطبخ غير مجهز "لا غلاية ولا مواعين ولا معدات اكل"
وهذي ما هي سلبية لي بس سلبية اذا كانت معاي عائلتي
المواقف جدام الفندق محدودة وبالخلف كذلك محدودة
بس جدامها ساحة بيت السيارة فيها ليلة ثاني لقيت حديدة بالتاير
بشكل عام الشقق أنظف أجنحة شفتها خلال عمليتي بحثي
عن شقة في شارع العليا
حتى انظف من بودل الي الكل يحلف بنظافته
وانصح فيها وانا المرات الجاية مستعد اجربها حتى لو مع اهلي
وسلامتكم J
وهذا الفندق من موقع بوكينج
https://www.booking.com/hotel/sa/golden-prince.en.html?aid=1300939