السلام عليكم وحمة الله وبركاتة
اعضاء المنتدي الكرام
يسعدني الانضمام الي هذة العائلة الكريمة
التي تتعاون علي كل ما هو خير ليستفيد كل العرب
^
^
^
ده تجربتي في شركة ( تي ال اس ) المفوضة من قبل السفارة الفرنسية لتلقي طلبات التاشيرة
الشركة لها موقع بتخش تسجل بياناتك من واقع البسبور
وبيانات كل المسافرين في الرحلة في اكونت واحد
وبعد كده الموقع بطلب منك تحديد يوم للمقابلة وبيطرح عليك المواعيد المتاحه
بتختار الميعاد اللي يناسيبك
بعد كده بيطلعلك لسته بالاوراق المطلوبة منك حسب نوع التاشيرة اللي انت طلبتها سواء كانت سياحة او طبية او دراسة
حالتي الشخسية كانت فيزا سياحة لي وافراد عائلتي الصغيرة زوجتي وابنتي
طبعن مليت الاستمارة من واقع كل بسبور
وطلب ميعاد يوم 19/3/2014 الساعة 11
لستة الطلبات كالتالي
1 استمارة طلب الفيزا كان الموقع كتبهالي الكتيروني طبعنها وخلاص
2 البيان الاستكمالي وده ممن تحملة من الرباط التالي وتملاه بنفسك هو سهل جدا
3جواز سفر صالح لمدة ست شهور علي الاقل
4جواز السفر القديم لو كان في اصلا
5صورتنات شخسيتان خلفية بيضاء ( مواصفات جودة الصورة )
6 وثيقة تامين ويجب ان تكون من شركة معتمده من قبل السفارة
الشركات المعتمدة
7 السجل التجاري ترجمتة والبطاقة الضريبية وتجمتها
بحكم اني كاتب في الاستمارة اني صاحب شركة
8 كشف حساب بنكي اخر ثلاث شهور باللغة الانجلزية فقط
ولازم يكون يغطي مصاريف الرحلة مش اقل من 10000 يورو
وحركات تداول سحب وايداع وتحويلات الخ
ذهب انا وزوجتي وابنتي ملحوظة تم منع الطفلة من الدخول الي الشركة وتركتها بع زوجتي بالخارج لحد مخلصت ورقي وبعدين خارجت انا مع البنت ودخلت زوجتي لتقديم الاوراق الخاصة بها ...
الموظه كانت في قمة التناكة وبتتعامل معاية علي اني شخص غير مرغوب فية استحملت وقولت لزوجتي خالي باللك البنت اللي جوة رخمة شوية وهي متوصتش
استلمت الطلبات ولبت مني اروح الخزنة ادفع الملغ المطلوب
وكان عبارة عن 1893 جنية حساب ثلاث تاثيرات
دفعت المبلع وروحت بعد كده ل المكتب الخاص بالبصمات
تم عمل البصمات وخلص الموضوع علي كده
وخرجت من الشركة الساعة 12.30
يعني ساعة ونص ولو مش معاية بنتي كان ممكن الموضوع يكون اسرع من كده كنا هنخلص الورق انا وزوجتي في وقت واحد
واخذت ايصال استلام بعد 15 يوم او اقل
ان شاء الله هخبركم بالجديد بعد 15 يوم
دعواتكم