- ردوني مرتين والمره الثالثة الحمدلله أخذوا الجوازات...
- بالنسبة للملاحظات...استفيدوا من تجربتي ...
أول شي..الله يعين الي بيطلع تأشيرة من عندهم...وخصوصا الموظفه اللبنانية معقدة
ردوني مرتين والمره الثالثة الحمدلله أخذوا الجوازات...
بالنسبة للملاحظات...استفيدوا من تجربتي ...
أولا: بالنسبة لتأمين السفر...رجعوني أول مرة لاننا اشتريناه من مكتب سياحي..وعليه ختم المكتب السياحي طبعا...فقالت الموظفة بأن هذا تزوير!! ويحق لها منعنا من السفر بسبب هذا التزوير!! لذا رجعت وأخذت ورقة التأمين وذهبت بها الى شركة التأمين نفسها (الدرع العربي) لوضع ختمهم عليها..
ثانيا: الصورة بالنسبة للنساء...لازم يكون الخدين والذقن واضح ومو مغطى بالطرحة...رجعوني ثاني مرة لعدم وضوح الصورة
وشفت شخصين في السفارة رجعوهم بسبب أن رصيدهم غير كافي...قالهم الموظف لازم 20 الى 25 الف حتى لو كانوا دافعين الفنادق والتذاكر...
وعشان ما يتنرفزون عليكم...خلو كل جواز بداخله استمارة الطلب ...وتعريف الراتب ...والتذاكر والتامين....والفنادق منفصلة وخلوها بالترتيب (اذا كنتم بتجلسون في اكثر من فندق) على حسب التواريخ...وتراهم يدققون مره على التواريخ
بالنسبة للطلبات لاستخراج الفيزا..أعتقد كلكم عارفينها...وهذه هي:1- استمارة معبئة وموقعة
2- جوازات السفر مع صور لها وتكون موقعة
3- تعريف بالراتب بالانجليزي ويوضح المسمى الوظيفي وتاريخ التعيين
4- تأمين سفر (الاصلي) ويكون مختوم من شركة التامين وليس المكتب...وصوروه وضعوا صورة في كل جواز..
5-حجز فنادق وعليها ختم الفندق (ضروري الختم)...والي حاجزين من الانترنت يكلمون الفنادق ويطلبون فاكس مختوم
6- تذاكر أو حجز طيران مؤكد (مو لازم تشترون التذكرة)
7-كشف حساب 6 أشهر ويكون الرصيد لا يقل عن 20 الى 25 الف
8- لازم تواريخ الفنادق تطابق حجز تذاكر السفر....شفت واحد رجعوه عشان حجز السفر بعد التشيك اوت من الفندق بيوم
9- صورتين بخلفية بيضاء ..والنساء يوضحون الخدين والذقن والرجال بدون شماغ
والله يعينكم
انا رحت 9 الاربع ...وكنت سادس وحدة ...مافي زحمه صراحة بس الافضل الذهاب مبكرا
السلام عليكم
يعطيك العافية اختي
والله يسهل امورك يارب
اولآ بالنسبة للاوراق انا رحت لمكتب الفيفا قبل لااسوي اي شي وعطيته ثلاثين ريال خليته يعبي لي الابلوكيشن و الاوراق ويرتبها ويصور الاوراق المطلوبه مثل الجوازات والتأمين والحجوزات ووريته صورة لزوجتي وقال هذي ماتمشي ورحت جبت صور ثانيه وعطيته (( والتأمين كان من نفس مكتب الفيفا ومختم )) ومن بكرة الصباح رحت للسفارة الساعة 8 ونص كانو لسى مافتحو سجلت اسمي عند البوابة وانتظرت وكان الموجودين 4 رجال وحرمتين يعني يعتبر مو زحمة لما صارت الساعة 9 فتحو الباب وصارو يدخلونا بالترتيب حسب جدول الاسامي المهم انا كنت متخوف من السوداني لأني اشوفه رجع الي قدمو عليه كلهم وكنت ادعي ربي ان اكون عند البنانية ويعلم الله اني ماسمعت عنهم اي شي قبل تقديمي لاكن من الي شفته بعيني ان السوداني ((غثيث)) المهم انا كانت اوراقي كلها مرتبه ومن حسن حضي اني جيت عند البنانية وعطيتها اوراقي وحطيت في كل جواز الاوراق الي تخصة كان عندي مشكلة بسيطة في التأمين وعدلتها عندهم ومشت الامور الحمد لله ,,الي كنت ابغى اوضحة بالنسبة لكامك اختي حاجتين
اول شي بالنسبة للتأمين كان عن طريق مكتب الفيفا وكان فيه غلط وعدلته عند موظفة السفارة ومشتها
الشي الثاني الموظفة البنانية كانت قمة بالاخلاق وهذا الشي ممكن يعتمد على نفسيتها في ذاك اليوم
واغلب الي كانو موجودين في اليوم نفسة كانو يشتكون ويتذمرون من الموظف السوداني
هذا الي صار معي في السفارة النمساوية بالتفصيل ,,,