السلام عليكم ورحمة الله وبركاته
مساكم الله بكل خير
من باب رد الجميل لهذا المنتدى الرائع اطرح لكم تجربتي في استخراج الفيزا النمساوية من مكتب اصدار التأشيرات الموحد في جدة
اولا ملاحظات مهمة وأخطاء ارتكبتها
ذهبت لهم بدون حجز موعد لان حاولت احجز قبلها باسبوع ولم اجد موعد
لان ماعندي الا اجازة الربيع بحكم اني خارج مدينة جدة
لان سمعت ان في موعد vip تدفع حدود 150 للجواز وتدخل بدون موعد
لكن المصيبة ردوني من عند البوابة قالو ماعندك موعد وفيزا النمسا مافي مواعيد vip
قلت لهم من خارج جدة وشرحت لهم ابد مافي دخول الا بموعد مو شغلنا
طلعت واشوف مكتب خدمات سفر مقابلهم قلت بكلمه على وعسى اهل المكاتب عندهم واسطات
وبالفعل شرحت له الوضع قال الطلبات معك قلت كل شي تبي بس ضبط لي موعد
اخذ الاوراق ودخل عندهم ثم جاء وقال اوكيه بكرة الساعة 10 ونص
طبعا قال لي الجواز الواحد 250 يعني جوازين 500 ريال
واليوم الثاني جيته وشاف اوراقي يضبطها وعاد لي تعبئة الابليكيشن يقول لازم الفنادق كلها
وقال لازم تغيز حجز طيران غير هذا !! لان دخولي وخروجي عن طريق ميونخ وانت تبي فيزا نمساوية
قلت نظامهم على حسب اكثر الايام وين تقضيها وانا بقضيها اكثر ايامي بالنمسا
قال لازم دخول النمسا انا اسوي لك حجز طيران وهمي على سالزبورغ لان اول فندق لي بسالزبورغ
ماحبيت اجادله رغم ان النظام واضح وعشان اذا صار شي مايحجني بالحجز
قلت شوف انا مالي شغل ابي التأشيرة وبس قال ماعليك انا اضبطها وبالفعل عمل لي حجز طيران من جدة الى سالزبورغ والعودة ميونخ جدة
ملاحظة اخرى حجز الفنادق لازم يكون موضح فيه عنوان الفندق والايميل وارقامه
انا حجزت من اجوادا حجزين كان بواسطة بوكينق وحجز كان عن طريق اجوادا نفسه وللاسف مافيه ارقام ولا ايميل للفندق ورجعني الموظف قال لازم ارقامه وايميله ورجعت لصاحبنا وسوى لي حجز غيره وهمي من بوكينق ومشت الامور انتبهو من هالنقطة
طولت عليكم ههه بس احب افصل لكم لان في ناس تهتم بالتفاصيل مثلي
الطلبات اللي اخذوها مني :-
حجز طيران
حجز الفنادق كامل المدة
الابلكيشن معباة وجاهز
صور شخصية 3 في 4 مكشوف الراس للرجل وخلفية بيضاء
صورة من بطاقة الفيزا >>>>>> بطاقتي البلاد مداد
تأمين طبي لدول الشنغن >>>> اخذته من التعاونية لشخصين 195 ريال
صورة من جواز السفر اخذ مني الصفحة الاولى ورجع لي الثانية اللي فيها التوقيع
كنت اخذ معي تعريف بالراتب مترجم وكشف حساب بنكي ثلاث شهور ماطلبوها مني
طبعا انا اتفقت مع المكتب اذا وصلت يستلمونها ويدقون علي
التقديم كان 26 مارس 2014 ويوم 8 ابريل 2014
اتصلو علي قالو جاهزة وعطوك 6 شهور
يعني استغرقت اسبوعين
اذا ماوصلتكم رسائل عادي لاتخافون انا ماشفت ولا رساله منهم
لاتنسوني من دعواتكم