- لكن حاب اطرح تجربتي الشخصية باستاجار السيارة والقيادة هناك
- وكانت تجربتي مع شركة سيكست ممكن تفيد البعض ..
- 4-الوقود غال جدا جدا هناك واحرص على سيارة ديزل اخف شوي
السلام عليكم
قبل فترة قريبة كنت استفسر عن كل صغيرة وكبيرة عن استأجار السيارة عشان اذا رحت للنمسا ماتوهق واكون عارف كل شي والحمد لله عدت الامور ورجعنا الاسبوع الماضي بعد رحلة ممتعه هناك
لكن حاب اطرح تجربتي الشخصية باستاجار السيارة والقيادة هناك
وكانت تجربتي مع شركة سيكست ممكن تفيد البعض ..
ذهبت لموقع الشركة بالخبر ظنا مني ان المكتب راح يكون ارخص ولكن لاارخص ولا شي نفس الحكاية ولا خصم ولا يحزنون اخترت السيارة من عند الموظف وكانت bmw 1er (سيارة تنفع لشخصين وطفل وعدد الشنط لايزيد عن 2 كبيرة )واذا مو متوفرة نوفر لك فولكس واجن واعطيته بطاقة الفيزا لخصم المبلغ مع انه بالامكان الدفع كاش واخذت الايصال منه وتوكلت على الله
وصلنا فيينا وذهبت لموقع الشركة هناك في فندق الهيلتون واعطيتهم ورقة الحجز والجواز وبطاقة الفيزا وجت الموظفة تخصم مبلغ التامين منها قالت لي اسفة الرصيد مايكفي وانا اريد 1500 يورو حوالي 7500 ريال (مبلغ كثير مرة) وقلت كلام الموظف اللي بالخبر يقول التامين ماراح يزيد عن 500 يورو خصوصا والتامين شامل قالت هذا اللي ظاهر بالنظام عندي ولازم المبلغ كامل قلت عندي كاش قالت مانقبل ...والبطاقة هذي مخليها فقط للتامين لانها فيزا فضية ولا ابي اسحب منها شي المهم قلت جربي هالبطاقة (الراجحي تسوق) لأن فيها رصيد وجربت ومشى الحال والابتسامه رجعت لها بعد تكشير في وجهي وقالت اسفة قلت مايهم واعطتني المفتاح وورقة عبيتها ورقم موقف السيارة وطلعنا ورحنا اخذنا السيارة لكن لقيت شي يبرد حرتي من الموقف اللي صار لي بالمكتب.. السيارة على حسب الطلب بالضبط نفس السيارة والقير اوتوماتيك وديزل والسيارة شبه جديدة 2013(مامشت الا 600كيلو فقط) وشغلنا وتوكلنا على الله الى زيل امسي وبعد انتهاء المدة رجعتها لموقع الشركة بالمطار واخذت من مكتبهم اللي داخل مخالصة تسليم السيارة وتوكلت على الله ورجعنا للرياض
لكن في كم نقطة استفدت منها وحاب افيد فيها غيري
1-النمسا بلد متقيد جدا جدا بالانظمة المرورية
2-عرفت معني لازم الواحد ياخذ احتياط مبلغ تحسبا لأي ظرف
3-بالنسبة للاستيكر الخطوط السريعه بالنمسا موجود على السيارة وما يحتاج تاخذ بس تاكد احتياط
4-الوقود غال جدا جدا هناك واحرص على سيارة ديزل اخف شوي
5-لاتنسى ترجع السيارة ممتلئة بالوقود وسليمة من اي خدش لان الموظف اللي راح يستلم السيارة منك يركز على هالامور واذا ماامداك تعبي من داخل المدينة هناك محطة وقود بالقرب من مواقف المطار واضحه لك
6-بالنسبة للقارمن السيارة اللي اخذتها موجود فيها لكن صعب استخدامه واحرص على وجود قارمن معك ولا تعتمد عليه بشكل كلي لانه قد يخذلك وخل معك برامج الملاحه بالجوال مثل اي جو للايفون وخرائط قوقل وفيه برناج مايحتاج نت على جوال جالاكسي جربته وكان قمة بالروعه اسمه COPILOT GPS
وبالتوفيق لكم جميعا
هذا انا وراك ومتابعك
وتسلم على التقرير والتفاصيل والنصايح
ياليت يوضع موضوع مثبت يكون مرجع للي يبغى يستأجر سيارة
عشان الكل ياخذ احتياطه
تحياتي لك