مرحبا بغيت اقولكم سالفه استوت وياي مع شركه برو سيرفس وهالشركه حارتني من جد ويغثون ولاعت جبدي منهم وكلق ما اسمع اسمهم اتنرفز. ما ادري فاتحين هالشركه ليش !!! يعني بواقيين عيني عينك ما يستحون صدج . طبعا عرفت هالشركه من واحد من الربع الله يسامحه كان يبغى يستوي وياي نفس المقلب اللي سووه فيه الله يهداه. كنت مسافر ويا العايله على القلب ميونخ وكالعاده ما نقدر نكون هناك وما نترس الجناط الاسعار رهيبه عندهم. ما بطول عليكم السالفه كلمت الشركه وخبرتهم عندي وزن زياده وابا اشحن وياهم واتفقنا على السعر وعمولتهم في الفون. طبعا كله كذب بكذب كل الاسعار طلعت خرابيط لا بارك الله فيهم ولا فشركتهم. باختصار خذو مني سعر فوق السعر اللي عطوني في الفون وخذو بعد عموله ١٣٪‏ زياده على نسبه التاكس فري صراحه وايد اوفر خلوني اتنرفز قلت لو دفعت الوزن في المطار جان ابركلي حتى التاكس لو وقفت ساعه في طابورهم ابرك من النصب اللي سووه فيني. عقب طبعا كلمت ربيعي قلت يا ريال هذي شركه نصابه وطبعا قعد يضحك قالي انه سووه فيه نفس الشي حتى التاكس ما تم منه شي تقريبا كلوه.. بالنسبه لي اول واخر تجربه ويا هالنصابين كل كلامهم خرطي.