1. قال الموظف : أنت عندك حجز ؟؟


2. قلت : طيب وبعدين ؟؟

السلام عليكم ورحمة الله وبركاته
تجربة مع بودل سيئة جداً وخاصة إن الموسم لم يبدأ بعد ولكنني أرويها لكم كما حدثت والتقييم لم
ليلة السبت الموافق 28111430ه إتصلت على الرقم الموحد لبودل وطلبت أن يحولني على رقم فرعهم في الخبر
وبالفعل حولني الموظف وكلمته عن سعر غرفة بدورة مياه واحدة وقاللي سعرها بالخدمة والإفطار 220 ريال في الليلة الواحدة قلت طيب !!!
هل فيه غرف فاظية الآن ؟؟
قال : أنت وينك فيه ؟؟
قلت له : في الرياض 0
قال : متى تصل للخبر ؟؟
قلت له : على الساعة 10 مساءً 0
قال : ما عندك مشكله 0
قلت له يعني !! أجي للخبر ؟؟
قال : أصلاً الغرف فاظية !! وإذا تبي توصل قبل الساعة 10 مساءً مضمون إنك تسكن عندي 0
قلت : على خير وأنا في الطريق الآن 0
وسكرت التيليفون
وصلت الخبر ووصلت الفرع ودخلت على الريسيبشن يعني الأستقبال ووقفت عند الموظف الساعة 9:50 دقيقه يعني قبل الموعد بعشر دقايق
وقلت أبي لي غرفة ودورة مياة اللي سعرها 220 ريال في الليلة

قال الموظف : أنت عندك حجز ؟؟

قلت أنا مكلم بالتيلفون ورد على موظف وقال كذا وكذا 00 وهذا أنا قبل الموعد بعشر دقايق واقف عندك 0
قال : والله ما أدري عن كلامك هاللي تقوله !!! لعلي أشوف الحجز 000 وخذ له شوي يطقطق على الجهاز اللي قدامه وقال : والله ما فيه حجز بإسمك يا أخي وأنا ما لي أكثر من ساعه مستلم الإستقبال ( يعني بعد أكثر من ساعتين ونصف على مكالمتي مع موظف الفرع بالتليفون ) أنا آسف جداً والله ما فيه غرفة واحده فارغة أبداً وللعلم ترى سعر الغرفة الواحدة 275 ريال لليلة الواحده وليس 220 زي ماتقول واللي موجود حالياً غرفتين ودورتين مياه وسعرها 330 ريال لليلة الواحده !!
قلت طيب ؟؟؟ وين الموظف اللي كلمني بالتليفون وخلاني أطق أربعمية كيلوا على ماش ؟؟؟؟؟؟
قال والله ما أدري !؟!؟!؟!؟ أنا توني مستلم ولا أعرف من كان قبلي في المكان ؟؟؟؟
قلت طيب ؟؟
وآخذ تلفوني وأدق على الرقم الموحد وأقول له القصة 0
ورد على الموظف بأنه سيتأكد من الموظوع ويرد علي
وبعد ربع ساعه دق على الموظف اللي كلمته من الرقم الموحد وقال : والله يا أخي الكريم 0000 ما فيه حجز بإسمك عند الفرع وعلى العموم تقدر تسجل شكوى عندي الآن وأرفعها لك للإداره وهم سيتكفلون بالموضوع 00
قلت سجل الشكوى وأمرنا لله
وأطلع من عندهم وأنا ما أدري وش ها السرعه اللي تم بها حجز كل الغرف في الفرع في ظرف ساعتين ونصف وأسكن في مكان ثاني وأقعد إلى يوم الثلاثاء الصباح والى التلفون يدق بهاك الرقم ؟؟
وأرفع السماعه : نعم
قال : معك المسئول من شركة بودل 00
قلت في نفسي جاك الفرج ولا هو معقول إن شركة مثل بودل تخربط ها الخربطة أبداً
المهم 000 حياك الله
قال : أنا إستلمت الشكوى المرفوعه من قبلك وتأكد أننا محولين الموظف اللي تسبب في مشكلتك للتحقيق ( يعني مقرين إن فيه مشكله وقعت منهم علي )
قلت : طيب أنا وش أبا أستفيد من التحقيق مع الموظف وبعدين متى إستلمت يا رعاك الله الشكوى
قال : قبل أمس
قلت يعني لك يومين وأنت عارف المشكله ( ولا كلفت نفسك تسأل إلا اليوم )
قال : نعم وأنا توليت الوضع وحولت الموظف للتحقيق
قلت : طيب وأنا ؟؟؟ وش تبي تسوي لي ؟؟
قال : والله يا أخي الكريم تأكد أننا لا نريد أي مشكله لا معك ولا مع غيرك

قلت : طيب وبعدين ؟؟

قال أبا أحاول أعرض مشكلتك على الأداره وأشوف وش اللي يصير معهم !!!!!!!!
قلت : أيه طيب وإن كان إنك تبي رضاي وأنت صادق فالآن تقول تعال للفرع وأنا حجزت لك مكان فاضي غرفة أو غرفتين والقيمة اللي أنت دفعتها حتى الآن علينا وسعرك اللي تبي تسكن به عندنا أقل من الأسعار المحدده ولو بعشرة أريل وكمل باقي المده اللي تبي تقضيها في الخبر عندنا
غير هالكلام لا عاد تكلمني
قال : صلاحياتي ما تسمحلي وكلام واجد ماأدري وش أوله من آخره
قلت : المهم هذا آخر كلامي ومطلوبي اللي أبا أرضى به ومع السلامة
قال : مع السلامة
وإلى ساعة إعداد هالموضوع 000 ما منهم خبر ؟؟؟
وش رايكم ؟؟؟؟