وعليكم السلام ورحمة الله وبركاته ..
rentalcars جربتهم أكثر من مرة مضمون ولا فيه خوف
مع اني افضل الحجز مباشرة من الشركة
الكيلوات تكفي بإذن الله ..
سعر الديزل 1.4 يورو/لتر تقريباً

وسيط اسمه رينتل كارز
ما انصح مواقع وسيطة خاصة لو قدر الله وصار حادث او اي شي علي السيارة بتتعب معهم وبيضيع حقك
احجز مباشر من المواقع العالمية المعروفة لستأجار السيارة مثل ما قالكم أخوي tab_el
وخذها نصيحة خذ تأمين شامل ضروري عشان ترتحون شركة يوروب كار + ايفس + هرتز ممتازين
و لا تنسون تأخذون معكم القارمن عشان تستفيدون وتجهزون لرحلة
موفقين ورحلة سعيدة

حياك اخوي
بكل بساطة رح لفروع مكاتب التاجير الموجودة هنا بالرياض
يورب كار او غيرها وسو مقارنة وخذ اللي يناسبك
واحجز واختر السيارة اللي تبي وخلص من هنا
وافضل شئ كما ذكر الاخوان
خذ تأمين شامل ع السيارة
+
عداد مفتوح للكيلومترات
اهم شئ تكون السيارة لنفس عدد الاشخاص يعني لا تاخذ سيارة تشيل خمسة وعددكم سته حتى لو طفل صغير

السلام عليكم و رحمة الله و بركاته
اخي الفاضل شركة enterprise شركة عالمية مشهورة لايجار السيارات. تشتهر الشركة برخص اسعار ايجارها و ارتفاع مبلغ التأمين.. يعني ينزلون لك من جهة و ياكلونك من جهة.
المهم طال عمرك و من خلال بحث استمر شهرين انصحك بالتالي و لك مطلق الحرية:
1- احجز السيارة من موقع يقدمها بسعر ارخص من رينتل كارز اسمه happy-cars.com
سعره اقل و تامينه شامل بدون اي مبلغ عليك في حال وقوع حادث و لا فيه رسوم مخفية.
عيبه: يخصم مبلغ الايجار كامل و الالغاء يعني خصم 20 من قيمة الايجار.
2- امن مع شركة اسمها icarhireinsurance تامين لمدة سنة لايجار السيارات في اوروبا بقيمة 40 باوند
طيب ليش التامين و انت ايجارك بتامين شامل؟
التامين الشامل لا يغطي اجزاء كثيرة معرضة للضرر مثل الكفرات الجنوط القزاز .. الخ
فالتامين هذا فيما لو خصموا عليك اي مبلغ تقدر تطالبهم فيه بعد عودتك بالسلامة لكن لابد من الالتزام ببنود عقد الايجار...
مثال على الشروط:
1-ابلاغ الشرطة و احضار تقرير بأي حادث يحصل
2-عدد الركاب مناسب للمركبة
3-عدم العبور الى اي دولة دون اشعار مسبق لشركة الايجار
4- عدم القيادة تحت تاثير كحول
5- الالتزام بالانظمة
و غيرها من الشروط
للمعلومية: هذا التامين سنوي و يغطي اوروبا كاملة و بعض الدول الاخرى مثل المغرب
لا تقرب شركات النهابة اللي كلن يوصي فيها.. ياكلونك في الايجار و ياكلونك اذا صار حادث حتى لو مخش صغير
اقلها مع الشركة هذي ايجارك رخيص و لو وقع حادث تامينك موجود لكن مثل ما قلت لك لازم تقرا العقد و تلتزم فيه
تمنياتي لكم برحلة سعيدة

يعطيكم ألف عافية جميعاً ..