اول شي انا عارفة ان الكثير منكم حكوا عن القاهرة وراحوها وشافوا الكثير يعني ممكن الموضوع مايكون لا جديد ولا مفيد لهم لكن انا ابي افيد اللي ماعمرهم راحو القاهرة ويبون يفلون هناك ويستانسون
وانشالله يكون الموضوع مفيد للجميع
اول شي نبي نتكلم عن الفنادق والشقق:
طبعا للعرسان انا افضل الفنادق لكن بالنسبة للعوائل الشقق افضل وارخص وخاصة للي يبون يقضون فترة طويلة
الفنادق الخمسة نجوم اسعارها بين 100 دولار وانت طالع
مثلا انا سكنت بالنيل هلتون ب130 دولار وبرمسيس ب120 دولار طبعا الغرفة العادية
وافضل شي تاخذها عن طريق مكتب لان السعر يكون اوفر كثير
افضل الفنادق هناك :
1- الفور سيزونز وجراند حياة
2- الماريوت وشيراتو ن القاهرة
3- الهيلتون النيل ورمسيس
طبعا في فنادق ثانية بس هذي الأشهر وترتيبها حسب الأفضلية
بالنسبة للشقق ترى كل ماطالت المدة قل السعر بالنسبة لليوم الواحد
عموما حنا مرة اخذنا شقة لمدة شهر بالمعادي عن طريق واحد نعرفه ب7500 ريال
وقبل فترة لقيت شقة مرة حلوة على النيل برضه بالمعادي حسبلنا الليلة الوحدة ب300 ريال طبعا ذا الكلام كان قبل الفصال
ممكن ينزل السعر الى 250 ريال فتطلع الشقة بحدود7500 ريال بالشهر
بس لا تنسوون اول شي تسوونه لا ااستأجرتو شقة هو انكم تغيرون القفل بدون ماتعلمونهم لأنهم ماراح يرضون تغيرونه إذا علمتوهم ولا جيتوا رايحين رجعو القفل القديم ويادار مادخلك شر00000000000