الشتاء والصيف
25-05-2022 - 05:03 am
السلام عليكم
اليوم وأنا راجع الفندق بالمترو.....في نفس المقطوره ....واحد خال ومعه وحده.....وفيه اربع شباب مراهقين..واحد منهم سكران بالحيل جالس يتهاوش مع ذا الخال
شوي احتد النقاش...ويمسك الخال المراهق وضرب في المترو...ومن فوق الكراسي والناس..(تقول فلم اكشن)...المهم المراهق دخل تحت الكراسي ما عاد لقيناه.....اقول في نفسي راح فيها ما لقي الا ذا الخال المتعافي....المهم مقابلي في الكرسي خال ثاني ....حاط سماعات في اذنه ومو داري عن الموضوع لأنهم وراه....المهم دقيته قلت شوف.....المهم راح هو وكم واحد وفارعوا....وانا اقول في نفسي جعلكم في ستين دهيه...مفكريني جاي من السعوديه بفارع لكم.....في الآخر طلع المراهقين في المحطه التاليه...(طبعا المضروب مكسور له اسطب والشمعه رايحه )...لا ويسب بعد ما خرج....اقول في نفسي ايه....من أمن العقوبه اساء الأدب....
صراحه فلم أكشن جميل....بس المشكله بالفرنسي...لو إدارة المترو...حطت ترجمه بالعربي او الإنجليزي كان متعه
الغريب اغلب الفرنسيين كأن الموضوع ما يهمه...يناظرون بس
وخساره الكمره اليوم مو معي كان وافيتكم بالصور
اهم شي انت ماصارلك شي الحمدالله