اخوي قبل ارد عليك ..
بس ابي اقولك الله يعافيك انك تقدر ترد بنفس الموضوع اللي انت فاتحه من قبل .. يعني مايحتاج لكل استفسار موضوع !! عشان تكون استفساراتك اوضح واكثر افادة للاعضاء
بالنسبة للتامين كيف يعني مافهمت!
اذا تقصد ال payment فهذي براحتك اكيد كاش او فيزا واذا قصدك ال deposit اللي يطلبها الفندق عشان يرسلك كونفرميشن الحجز هذي غالبا بالفيزا وموقع بوكنج لازم فيزا واغلب مواقع الفنادق الرسمية ..
عدا البعض الي ممكن يعطيك رقم حسابهم وترسلهم حواله عاديه نسبة مثلا 30% من المبلغ وماشابه ويتم ارسال الحجز
اتمنى اني فهمتك بشكل صحيح

شكرا اخوي
مو بعض الفنادق يطلب تامين من 100 الى 200 يورو ويرجعه لك وقت التشك اوت
هذا اللي انا اقصده
انا في ماليزيا كان كاش
وهل فنادق اوروبا كاش ؟
هذا هو سؤالي اما اللي انت تكرمت وقلتهم هذي انا عارفتها
الله يعطيك العافية

الله يعافيك اختي
عادي بالنسبة للتامين كاش اصلا عشان يسترجع .. بس اختي انبهك لشغله اني من خلال حجزي 5 فنادق لفترة 18 يوم ولا فندق نبهني ان في مبلغ تامين عن السكن ..
فما اتوقع فيه تامين اصلا .. بس لا تحاتين "شكلك وسواس مثلي" والفيزا مالهم شغل فيها ابدا لان الفيزا شرط عشان تحجزين عن طريق Booking.com ولكن ماهي ابدا شرط عشان تسكنين اي فندق فلو جا احد بيسكن بدون فيزا وش بيقولو له معليش؟ مستحيل
احجزي وانتي متطمنه

اختي ميسو الله بعافيج لا تفتحين اكثر من صفحه لكل سؤال حتى لا نتشتت
عموما ما ذكرتيه صحيح كل فندق يطلب مبلغ تأمين على الغرفه وهذا هو الغالب .. بالفنادق 4 نجوم و5 النجوم .. بأوربا .. ( غالبا) وليس كل الفنادق لكن لكل فندق مبلغ معين والافضل تعطونهم الفيزا كضمان فقط ,,,, في حال تلف اي شيئ من الغرفه ..
الصوره واضحه

عندي استفسار بسيط
انا حجزت بالفيزا
وفيه فنادق حجزت المبلغ كامل
استفساري هو :
باقي على السفر اربع شهور يعني 120 يوم
هل بمجرد الحجز يزيد المبلغ كل 45 يوم في الفيزا يعني " حركات الفيزا اللي لو ما رجعت المبلغ قبل 45 يوم يبدا يتضاعف "
والا مجرد حجز وبس
ياريت تفيدوني

اخي هذا مجرد حجز بس ولا زياده علي ذلك
اتمنا التوفيق لك

ali_q8_77
ابوعمر هل ممكن توضح اكثر حول مبلغ التأمين على الغرفة
من تجربة سابقة لم يطلب مني اي فندق ان اضع لديه مبلغ تأمين غير حساب الغرفة المدفوع مسبقاً وعند المغادرة يتم التشييك فقط على الميني بار والمكالمات الدولية والمحلية (الحجز كان من خلال المكاتب السياحية)
الأن انا حجزت من خلال موقع بوكنج وبعض الفنادق تم دفع المبلغ كاملاً بحسب العرض والأخر تم الحجز فقط على مبلغ من بطاقة الفيزا يساوي نصف مدة الإقامة فهل هناك مبلغ اخر يتم دفعه عند الوصول غير حساب الغرفة.

moyyad
حياك الله ..
عند دخول الفندق يطلب منك مبلغ مادي كتأمين فقط .. اذا كان من الفيزا يحجز ولا يخصم .. واذا كاش كذالك يحجز .. حتى الجيك اوت .. بعد ما يجيكون على الغرفه والمني بار وطلباتك الخاصه .. انت بالخيار اما تدفع من المبلغ المؤمن لديهم او تسلمهم كاش لو كانت الفيزا هي الضمان ..
هذا الاجراء متبع بأغلب الفنادق بأوربا وخصوصا بالمدن الكبيره والفنادق الكبيره .. ..اما ما ذكرت انت من تجربه اما ان الفندق هذا لا يطلب التأمين او كان حاجز على جوازك لديهم ..
تحياتي