الشمري
20-10-2022 - 09:50 am
السلام عليكم اخواتي وخواتي
يوم الاربعاء الماضي كلمت سفارة تونس بالسعوديه بالرياض وسالتهم عن التاشيره وفاجأوني انهم يدامون يوم الخميس
المهم وقررت اروح اليوم الخميس من الساعه 5 ونص وانا على خط الرياض واشوى لا ردارات ولا شي ماغير 200 على الخط واحد مستعجل يبي يروح تونس
المهم الساعه 8 بالضبط وانا على باب السفاره التونسيه ياحليلهم مره طيبين
فتحوا الباب ودخلت وجلست عندهم وقلت لهم انا جاي من الخبر وابي تاشيره
المهم قالوا جب صورة جواز وبطاقة احوال وعب الفورم وصورتين شمسيه وربي ربع ساعه والتاشيره بيدي لا وبعد سلمت على القنصل وقالي اتمنى بلدنا تعجبك قلت ان شاء الله وتدرون وش نصحوني قالوا خد عدة سفرات ومدة شهرين اقامه بدل شهر ب 130 ريال فقط.
وربي هذي السفاره والا بلاش
