أخوي أمريكا عالم بحد ذاتها
أوربا أذا قارنة ببرطانيا أمريكا أرخص
الغالي في أمريكا تذكرة السفر فقط
السكن أذا سياحة فنادق
تعامل الأمركان كون واثق أنهم شعب ودود و فرندلي علي قولتهم
و محد له شغل بحد
صدقني أخوي أذا أخذت أي مخطط من الأعضاء أهني و خصوصا المصورة علشان تعرف أنت شتحب
راح تحط علامة X كبير على أوربا

ثانكس اخوي كويتي شرقاوي على ردك الحلو ..
الصراحة معاك حق ، انا هم احس ان في فرق بين اوروبا و امريكا خصوصاً من ناحية الاسعار ، يعني مثلاً انا شفت واحد من فنادق الماريوت باورلاندو سعر الغرفة الدبل في الليلة ب 89 دولار انا فعلاً مستغرب يعني هل هاذي اسعارهم ولا عشان الازمة الاقتصادية العالمية ، بس طلع لا ان حياتهم رخيصة مقارنة باوروبا مثل ما قلت..
حتى ان وحدة من العايلة الحاكمة بالبحرين تقولي ان 50 دولار في اليوم تكفي حق عشا و سينما و تمشي ( بدون تسوق ) لا و يزيد منها بعد
و بالخلاصة مثل ما قلت اخوي ان العيب في امريكا ان تذكرتها غالية شةي ، بس الواحد يزيد شوي على سعر تذكرة اوروربا و يستانس هناك احسن له من نحاسة الاوروبيين و الانجليز خصوصاً

اوافق اخوي كويتي شرقاوي بكل اللي قاله ..
ارخص او اونس .. تبي بحر في
تبي جبل في .. تبي تطور في تبي عمارات قديمه او عريقه في
برد حر مطر غيم .. كل ولايه عالم بروحه
شبابيه عائليه .. الواحد حتى واهوا بروحه يستانس ..
وبتدفع في كل شي حق شهر اللي تدفعه في اوروبا حق اسبوع ..

كلامهم سليم 100% .......... أمريكا و بس

شوف يبه كل شئ بالعالم موجود بأمريكا بس مصغره من ناحية أوروبا أو آسيا أو أفريقيا وحته أستراليا

مشكورة اختي و بنت ديرتي OZYEE على كلامج الحلو ...
وبتدفع في كل شي حق شهر اللي تدفعه في اوروبا حق اسبوع ..
لي هالدرجة امريكا رخيصة مقارنة باوروبا ؟؟؟ ليحين مو قادر اصدق يمكن من الي نشوفه في اوروبا و لندن خصوصاً قمت ماصدق شي

Luxury_Traveller
مشكورة اختي LUXURY TRAVELLER على ردج ... اكيد ما نستغني عن اهل الكويت

اول شي احب اشكر كل الي ردو على موضوعي .... الصراحة كلامكم يشجع ..
عندي سؤال ثاني ، هل مبلغ 2000 دينار بحريني يعني 20000 ريال يكفي لشخص واحد لمدة 15 يوم مثلاُ طبعاً هالمبلغ للتمشية و صرف اليد يعني من غير التذاكر و هالسوالف ؟؟

الرخص موجود في امريكا ومو في كل شي
ويختلف ما بين ولاية وثانية على حسب الضرائب
لاكن برضوا ارخص من اوروبا !!