عسى المانع خير أخوي أبو عبد اللأله لنا كم يوم ماشفناك....
أنا طبعا قرب سفري باقي يمكن حوالي أسبوعين...وأبيك ترتب لي الله لا يهينك ثلاث أيام في سالزبرق وأربع أيام في زيل أم سي..
وكم تتوفع ميزانيه لشخصين مع يوم زياده في فينيسيا..هل تكفي 15000 ريال والا كيف؟
وعسانا ماننحرم منك ياملك..

حياك اخوي .. والمعذرة عالتأخير
البحث عن طريق موقع القطار النمساوي http://www.oebb.at/en/index.jsp
بالنسبة للقطار من مطار ميونخ الى سالزبورق .. يوجد رحلة بتوقف واحد وتبديل للقطار .. والتوقف في محطة قطار اخرى في ميونخ .. ومدة الرحلة كلها ساعتين ونصف ..
ومن زيلامسي الى فينيسيا اغلب الرحلات توقفين او ثلاثة ولمدة 8 ساعات .. وفي رحلة توقف واحد عن طريق وورقل ولكن مدتها 10 ساعات ..
وبالنسبة للترتيب مافهمت وش تقصد ؟؟ وبالنسبة للميزانية ,, برضو مدري ايش تشمل ؟؟ اذا قصدك معيشة وقطارات فقط من غير سكن فهي تكفي وزود باذن الله ..
بالتوفيق ..

حياك اخوي .. والمعذرة عالتأخير
أهم شي أنك بخير وعذرك معك طال عمرك..
البحث عن طريق موقع القطار النمساوي
تمام..أنا لقيت في موقع raileurop وأحسه أفضل مفهوم يعني..
بس السؤال هل أحجز بالنت من هنا وخلاص يعني على طول أروح أركب القطار والا فيها حوسه حجز النت ؟
بالنسبة للقطار من مطار ميونخ الى سالزبورق .. يوجد رحلة بتوقف واحد وتبديل للقطار .. والتوقف في محطة قطار اخرى في ميونخ .. ومدة الرحلة كلها ساعتين ونصف ..
ومن زيلامسي الى فينيسيا اغلب الرحلات توقفين او ثلاثة ولمدة 8 ساعات .. وفي رحلة توقف واحد عن طريق وورقل ولكن مدتها 10 ساعات ..
ماعندك مشاكل هذي دبرناها...
وبالنسبة للترتيب مافهمت وش تقصد ؟؟ وبالنسبة للميزانية ,, برضو مدري ايش تشمل ؟؟ اذا قصدك معيشة وقطارات فقط من غير سكن فهي تكفي وزود باذن الله ..
ايه يالغالي هذي بس معيشه..القطارات أنا حاسبلها من برا...بالنسبه للترتيب ودي تقولي أول يوم سالزبرق وين نروح وثاني يوم وهكذا..أنا طبعا أحب المشي يعني ماعندك مشاكل في المشي وحق كل شي
ادري ثقلت عليك بس أرجوك تحملني..

برجعلك بس الدوام انتهى .. فمان الله

اخوي
من وجهه نظري ومن تجربتي الشخصيه في النمسا مايتقيدون في رقم المقعد في القطار
ثاني شي لو تحجز من هناك أفضل وأسهل وخيارات متعدده يطبعون لك الجدول وانت تختار الي يناسبك ولا تخاف بتحصل
مقعد ان شاء الله
والاخ بيمو مو مقصر